web counter
LEXO PA REKLAMA!

SHKARKO APP

App Store
Google Play

E fundit!

x

Tejmbushet spitali i Korçës/ Pavionet pa shtretër të lirë

5 Shkurt 2021, 09:11, Sociale CNA

Spitali Rajonal i Korçës është duke u përballur me një fluks të lartë vizitash dy javët e fundit.

Sipas drejtuesve të spitalit ka ende nevojë për burime njerëzore ndërkohë që ka munguar ndihma e studentëve të mjekësisë.

Shifrat e larta në rang vendi kanë bërë që edhe spitali rajonal i Korçës të ketë një fluks qytetarësh që shkojnë për të marrë trajtim mjekësor. Samuel Kristo, shef i Pneumologjisë shprehet se është dyfishuar shtrimi i pacientëve dhe pothuajse nuk ka më vende në pavione.

“Në këto dy javë ka pasur fluks të shtuar në spitalin tonë. Pothuajse është dyfishuar numri i shtrimeve të sëmurëve që po marrin trajtim, kjo lidhet dhe me fluksin e përgjithshëm që ka në Republikën e Shqipërisë edhe shtimin e rasteve me Covid-19?, u shpreh Samuel Kristo.

Pavarësisht se spitali rajonal i Korçës nuk është kthyer në një spital Covid, aktualisht numërohen disa pacientë, që janë duke marrë trajtim mjekësor në pavjonin e pneumologjisë.

?Janë mbi 20 persona, të cilët janë aktualisht të shtruar dhe me ta po punohet për triazhimin dhe trajtimin e tyre të mëtejshëm?, tha mjeku.

“Ka personel mjekësor por duhet shtuar akoma në mënyrë që ata të kryejnë çdo terapi dhe çdo nevojë të të sëmurëve pa pasur nevojë për familjarët e tyre në spital”, u shpreh më tej mjeku.

Me vendosjen e impiantit të ri të oksigjenit tanimë furnizimi me oksigjen bëhet normal, ndërkohë që vihet re që studentët e mjekësisë kanë munguar në ndihmë të përballimit të situatës së pandemisë. Aktualisht në spital janë vetëm 3 mjeke pneumologë dhe 1 mjeke infeksioniste./Euronews





Lajmet e fundit nga