E fundit!

09:56 Live Updates

Skandali që mbërthen Bashkinë e Tiranës

Zbulohet skema/ Trekëndëshi: Bashkia e Tir...

Rritja e numrit të infektimeve/ Brataj tregon skenarët e mundshëm

5 Shkurt 2021, 16:55, Lifestyle CNA

Kreu i Urgjencës Kombëtare, Skënder Brataj ka folur ditën e sotme në një intervistë për Fax News, në lidhje me rritjen rekord të të prekurve me Covid-19 në vend në ditët e fundit.

Duke shprehur shqetësimin për një relaksim siç e quan ai të popullisë, Brataj thotë se nuk mund të presim kur të shkojnë 600 të shtruar në spital në mënyrë që të veprojmë për shtimin e masave.

Duke thëne se është rritur me 45% numri i të shtruarve në spital nga personat e prekur në 2 javët e fundit, Brataj thotë se për mendimin e tij duhet të rishikohen masat, në rast se shifrat vazhdojnë të rriten në këtë mënyrë, që të shmanget ndonjë kolaps.

?Është rritur në 48-50% shtrimi në spital. Duke ditur që kemi 550 shtretër në dizpozicion. Nga 284 që kishim para 27 janarit, kemi arritur në 404. Nëse ecim me këto ritme do futen në punë dhe skenarë të tjera, si për shembull hapja e spitaleve rajonale. Janë skenarë që ezaurohen mekëto ritme. Në mënyrë që ne të shmangim ndonjë kolaps, mendimi im si ekspert është që të kemi shtim të masave nëse shifrat vazhdojnë të rriten.

Në qofte se një numër i caktuar për 100 mijë banorë është i infektuar, që është kufiri i marrjes së masave, nëse është 200 të infektuar për 100 mijë banorë në një javë dhe kjo është rritur në 2 javët e fundit. Nëse arrijme te 450-500 të infektuar në një javë për 100 mijë banorë, atëherë të gjitha indiciet të çojnë drejt mbylljes. Por kjo s?do të thotë se do të bëhen. Dua të jem i qartë. Por këto janë skenarët.

Kemi 31.000 të infektuar aktive, ndër të cilat 404 janë në spital. Duke parë numrat indikatorët ne i referojmë dhe dilet në një konkluzion, atëherë vendoset nëse situata është akoma në kontroll.

Sigurisht që situata është në kontroll. Nuk është në kontroll pikësëpari kur kërkesa është më e madhe nga ajo që ti ofron. Deri në këtë moment situata ka qenë e kontrollueshme.

Por të presim e të shohim sa do të jetë pas 2 javësh. Nuk mund të presim 2 javë që të shkojë që të shkojë në 600 numri i të shtruarve pastaj të marrim masat. Më duket se po relaksohemi pak.

Ka akoma njerëz që nuk është prekur nga sëmundja që neglizhon, apo të tjerë që e kanë kaluar. Por nuk ka studim që thotë se nuk prekesh së dyti, në këtë mënyrë rrezikojnë veten dhe të tjerët.

Nëse unë e mbaj maskën që mos të marr gjobë por jo të mbrohem, duhet ndryshuar ky mendim. Kjo është gjendja aktuale, apo si merren vendimet,? tha Brataj për “Fax News”./CNA.al