web counter
LEXO PA REKLAMA!

SHKARKO APP

App Store
Google Play

Sondazhi i zgjedhjeve/ Vetvendosja e Albin Kurtit fiton thellë në Kosovë

2 Shkurt 2021, 20:09, Kosova & Bota CNA

Albanian Post në bashkëpunim me Institutin ?Gani Bobi?, ka zhvilluar një sondazh për trendin e preferencave politike para zgjedhjeve të jashtëzakonshme në Kosovë.

Lëvizja Vetëvendosje me listën e Vjosa Osmanit del e para me 51.3 për qind duke lënë pas LDK-në (15 3% )dhe PDK-në, 13.2%. AAK e Haradinajt 5.5%.

E treta, dhe me rënien më të madhe del Partia Demokratike e Kosovës me 13.2.

Aleanca për Ardhmërinë e Kosovës mezi kalon pragun me 5.5 për qind.

Derisa Nisma Socialdemokrate mbetet nën prag me vetëm 1.8 për qind.

Numër mjaft i madh i njerëzve tregojnë se janë të pavendosur me 9.6 për qind.

Kurse 1.3 për qind kanë vendosur të votojnë parti të tjera.

Sondazhi ka pasur mostër prej 1035 respodentësh, kurse ka qenë e shtrirë proporcionalisht në gjithë territorin e Kosovës.

Sipas komentit të Baton Haxhiut në këto rezultate nuk janë parashikuar votat e diasporës që zakonisht e ngrejnë edhe më shumë vetvendosjen dhe që rezikojnë të lënë jashtë parlamentit edhe AAK.

Ky është sondazhi i fundit që lejon ligji deri në exit Pollet e zgjedhjeve të dielën e dytë të shkurtit.





Lajmet e fundit nga