Çfarë kërkon Edi Rama, Korçën apo Ragamin?

30 Janar 2021, 20:53, Opinione CNA

Kryeministri dje në aktivitetet e tij elektorale, duke treguar ndryshimin e Korçës ku tentoi të tregonte sa e bukur ishte pamja nga kati i 5-të i një objekti që nxin në qendër të qytetit që quhet ‘In Galery’ dhe është ndërtuar nga biznesmeni Spiro Bardhi, me llagapin Ragami.

Një foto ku shfaqej katedralja Ortodokse, simbol fetar jo vetëm i ortodoksve por që simbolizon Korçën dhe bashkëjetesën fetare për të cilën, qyteti i serenatave sot është unik në sipërfaqe.

Rama tregoi me një foto se ku po flinte, sa mirë do ishte në një hotel luksoz të një biznesi privat, dhe shumë mirë që e reklamoi.

Por a e di Edi Rama që ai hotel dhe ai investim për me shumë se tre vjet bllokoi rrugicat për banorët e zonës? Dhe askush nuk fliste heshtje totale nga Bashkia. Justifikimi zhvillimi i biznesit.

Tani është bllokuar trotuari, ku duhet të kalojnë qytetarët thuajse i gjithi, por të gjithë heshtin, pa folur për një ndërtim lyer më ngjyrë të zezë që thuajse duket si thëngjill në mes të disa objekteve që zbukurojnë qendrën, jashtë çdo parametri urbanistik.

Edi Ramës, këtë here dikush duhet ti kujtoje ku flinte dikur buzë shatërvanit i dehur, por aty ku ishte dje po ndërtohet sërish pa leje në zonë muzeale.

As Sotiraq Filo e as Niko Peleshi nuk i treguan Ramës urën e re që do lidh dy hotelet e Ragamit, aty tek minipishina ku flinte Rama i dehur.

Për këto nuk flet as Andrea Mano, kreu i PD në Korçë që njihet si vasal i Peleshit, dhe një farë Endrit Brahimllari i LSI që e njohin si vasal të Berti Qerosit.

Gati 10 vite më parë zhgrryhej pikërisht aty ku po ndërtohen ura hotelesh në zonë muzeale, sot reklamon investime që si biznese duhen përshëndetur, por jo kur dhunojnë arkitekturën e qytetit sepse Ragami është i PS, i Blushit, i Rilindjes, i Nikos, apo Raqka si thotë dot një fjalë dhe për legalizim shkon e fle Edi Rama.

Çfarë kërkon Edi Rama, Korcën apo Ragamin kur shkon në jug-lindje? Të dyja aty janë. Korça më qytetarët e saj dhe Ragami si Rilindas që investon duke bllokuar trotuare e ndërtuar ura midis objekteve në zona muzeale, duke treguar arrogancën e pushtetit pikërisht të Ramës.

Në rast se nuk ja thonë kryeministri i përkohshëm në detyrë duhet të mësojë që tjetër është Korça e tjetër Ragami.

Këta djemtë e politikës që i ka ministra apo kryebashkiakë e deputetë, që janë vërdallë për PS-në apo edhe ata të PD-së, që të marrin më shumë vota duhet të jenë më shumë korçarë e më pak Ragamë./CNA.al