Connect with Us

Krisje mes opozitës në Parlament?/ Korab Lita rikthehet me PD

Politikë

Krisje mes opozitës në Parlament?/ Korab Lita rikthehet me PD

Publikuar

-

Krisje mes opozitës në Parlament?/ Korab Lita rikthehet me PD

Djegia e mandateve do vërë në provë opozitën jashtë parlamentare, të cilët kanë nisur mbledhjen e firmave për t’u regjistruar në KQZ për zgjedhjet e ardhshme parlamentare.

Partia Demokratike, Lëvizja Socialiste për Integrim dhe aleatët e tyre janë të detyruar që para se të garojnë dhe të rifuten në Kuvend të mbledhin firmat e mbështetësve të tyre, ku në total do të duhen 7000 të tilla.

Disa ditë më parë, në vetdeklarimin e tyre, deputetët e opozitës së re Korab Lita dhe Gjetan Gjetani janë regjistruar si deputetë përkatësisht të PD e LSI, çka do të shmangte procesin e mbledhjes së firmave.

CNA.al kontaktoi me deputetin Korab Lita, i cili u shpreh se është në krah të PD dhe do ta mbështesë këtë parti, pasi falë saj ka hyrë në Kuvend.

Lita la të kuptohet se mes opozitës në Parlament kanë nisur krisjet e para, ku ai deklaroi se çdo deputet që ka hyrë nga listat e PD përfaqëson atë parti, ndonëse Myslim Murrizi së bashku me disa deputetë të tjerë kanë dalë kundër Lulzim Bashës, duke krijuar edhe parti të re për të hyrë në zgjedhjet e 25 prillit.

Nuk është fare as distancim as një project se ku do të kandidoj unë. Problemi është se duhet parë nga ana ligjore. Deri në datën 25 prill 2021 kur do zhvillohen zgjedhjet e tjera unë dhe nga ana ligjore të gjithë deputetët që kanë hyrë nga lista e PD në Kuvend ligjërisht janë deputetë të kësaj partie.

Në fillim të çdo sesioni parlamentar, deputeti deklaron grupin parlamentar ku do të bëjë pjesë ose partinë politike. Unë jam në Kuvend nga votat e PD. Kushdo është i lirë në Kuvend që të krijojë çdo parti, por deri në 25 prill çdo kush që ka marrë votat e PD është deputet i PD.

Deri në 25 prill votuesit më kanë mandatuar që të jem aty dhe ligjërisht unë jam aty, sepse është diçka që e vendosin vetëm votuesit. Unë për këtë arsye hyra, që të mos braktiset institucioni dhe vota të shkoj në Parlament”, tha Lita.

LEXO EDHE:  Gjashtë vitet e dështimit dhe të papërgjegjësisë/ Edvin Kulluri "dush të ftohtë"  Bashës

I pyetur nëse në 25 prill do të kandidojë përkrah PD, Lita nuk e pohoi një gjë të tillë, por e la të kuptohet se do të përfaqësojë selinë blu.

Do kandidoj përballë Edi Ramës dhe Partisë Socialiste. Këto janë detaje të vogla se me kë parti do kandidoj, por e rëndësishme është që do jem përball në PS. Kandidaturën do e hedh në Tiranë”, tha Lita për CNA.al.

Për të rejat më të fundit behuni pjesë e grupit tonë në facebook : City News Albania

Politikë

Një pyetje publike Monika Kryemadhit, Ilir Metës dhe LSI për inceneratorët

Publikuar

-

Nga

Caktimi i datës së zgjedhjeve/ Meta fton Kryemadhin për konsultime

Monika Kryemadhi dje në një dalje televizive në emisionin “Opinion” në Tv Klan denoncoi atë skandalin e madh që pritej dhe në fund bëri një vrimë në ujë.

Fatkeqësisht pritshmëritë ishin të mëdha se çfarë do të thoshte e do bënte Monika Kryemadhi në paralajmërimin e saj të bërë dy ditë më parë dhe në fund shkoi tek një denoncim që është bërë nga mediat. Është investiguar nga CNA.al dhe dokumentat janë publikuar të gjitha, edhe gjatë kohës kur Monika ka qenë në pushtet me Edi Ramën. Në kohën kur Lefter Koka ishte ministër, pasi skandali i inceneratorëve nuk fillon pas 2017.

Inceneratori i Tiranës është firmosur në 2017, gjithçka fillon gjatë qeverisjes Rama-Meta. Doli dhe tha ato që BIRN, CNA.al, Hashtag e shumë media të tjera i kanë shkruar më parë i kanë denoncuar. Ndërsa disa media të tjera në atë kohë në shërbim edhe të Ilir Metës nuk i denoncojnë edhe sot e kësaj dite dhe nuk i raportojnë.

Monika nxorri një tufë me letra dhe nuk bëri gjë tjetër, thjesht dhe vetën tha se Arben Ahmetaj i kishte kopsitur letrat, pra shfajësoi ish ministrin e Financave, atë aktual sot të Rindërtimit për akuzat që ishin ngritur në opinionin publik ndaj tij, kryesisht nga Partia Demokratike dhe Lulzim Basha gjatë shtatorit të vitit të shkuar i cili denoncoi publikisht inceneratorët pas këmbënguljes së fortë të medias.

Edhe Lulzim Basha, edhe Monika Kryemadhi janë kujtuar të flasin pas katër vitesh për këtë aferë korruptive që është skandali më i madh, ndoshta i 30 viteve demokraci. Thelbi i asaj që Monika duhet t’i qendronte fort ishte shkelja e madhe e ligjit që nuk ka SPAK që mund ta mbulojë as Klodian Zoton, as gruan e Mirel Mërtirit, Stela Gugallen, as inceneratorin e Elbasanit, të Fierit apo Tiranës ku në dy prej tyre ende nuk ka inceneratorë. Ai i Elbasanit kontestohet, por gjithësesi ka një fakt shumë të rëndësishëm, qeveria shqiptare ka paguar para përpara se inceneratorët të jepnin shërbim. Kjo është pika që Monika nuk e tha ashtu siç duhej. Nuk e ka thënë as Lulzim Basha, nuk i ka qendruar askush në kokë.

Kjo është pika që “varros” korrupsionin e inceneratorëve. Qeveria shqiptare ka firmosur një kontratë dhe me paratë e saj ia ka dhënë një privati i cili ka marrë ato nga taksat e shqiptarëve për të ndërtuar inceneratorët. Pra janë ofruar nga buxheti i shtetit miliona euro pa pasur një shërbim. Por, thelbi i gjithçkaje nuk qendron vetëm këtu, qendron tek fakti pse foli Monika pas katër vjetësh.

Ne kemi disa pyetje publike për të:
Së pari a ka marrë LSI apo njerëz pranë saj, fonde, shuma parash nga pronarët e inceneratorëve dhe investimet e bëra nga taksat e shqiptarëve?

A ka pasur LSI, njerëzit që firmosën inceneratorët në listat e saj si kandidatë për deputetë?

A ka marrë para zyrtarisht ose jo zyrtarisht LSI nga inceneratorët ashtu siç marrin shumë media në Shqipëri me fatura ose pa fatura.

Pse ka heshtur katër vite Monika Kryemadhi?

Pse nuk e denoncoi Lefter Kokën që në fillimin e aferës por kujtohet tani, pak javë para zgjedheve?

Këto janë disa nga pyetjet që nëse Monika nuk i jep përgjigje ne mund tja themi dhe shqiptarët do t’i mësojnë.
Jo se do mbrojmë inceneratorët, ata për ne janë një aferë e madhe korruptive dhe ne do të vazhdojmë t’i denoncojmë me dokumenta ekskluzive. Ato që Mona i valviste dje, ne kemi vite që i nxjerrim, por morali i gjithë fabulës është një:

LEXO EDHE:  Parlamenti maqedonas drejt shpërndarjes

LEXO EDHE:  Parlamenti maqedonas drejt shpërndarjes

Pse foli kaq vonë Monika dhe a ka marrë para? A mund të flasë Monika për inceneratorët kur firmëtarët e tyre kanë qenë përfaqësues të LSI. Le të presim Monikën të përjigjet dhe të thotë të vërtetën./CNA.al

 

Skandali/ Zbulohet skema e plotë, si pronarët e inceneratorëve paguan aksionerët e Top Channel

“Buzëkuqi” i krimit të Ramës me inceneratorin e Tiranës/ Si do mbulohet hajdutëria dhjetëra milionë euro

Koncesioni 128 milion euro/ Plas skandali në Shqipëri, kompania ndryshon emër në Hollandë

 

Thellohet skandali me koncesionin 128 milion euro/ Zbulohen të tjera dokumente

 

 

 

 

Kryemadhi “shkel me këmbë” Lefter Kokën/ Bëri aferën e inceneratorëve bashkë me Ramën

Akuza për inceneratorin e Tiranës/ Lefter Koka i përgjigjet Kryemadhit: 25 prilli do vijë furishëm

Kryemadhi kujtohet për koncesionet e inceneratorëve/ Është afera më e madhe korruptive

Afera e inceneratorëve/ SPAK vë nën hetim zyrtarë e përfitues të koncesioneve

Dokumentet ekskluzive-Skandali me tenderin e inceneratorit/ Kompania fituese pa asnjë aktivitet biznesi, shkeljet proceduriale

 

Skandali/ Qeveria 50 milion euro kompanive pa asnjë lek

Inceneratoret marrin 47 mln euro financime nga buxheti, 14 mln shkojnë për Tiranën

 

Skandali-Nga pronarët e mediave tek kompanitë off shore/ Skema e plotë e koncesionit të inceneratorëve, emrat e përfshirë

Skema korruptive e koncesionit të inceneratorit të Elbasanit/ Si u gllabëruan miliona euro

Dokumentet ekskluzive-Si u garantuan 128 milion euro/ Skema korruptive e inceneratorit të Tiranës, emrat dhe kompanitë e përfshira

Skandali në Zimbabve/ Mirel Mërtiri: Nuk jam unë Ilir Dedja

Afera e inceneratorëve/ Pse u detyrua të flasë “fantazma” Stela Gugallja?

Skandali me inceneratorët/ PD padit qeverinë në SPAK

Skandali-Basha “fle” mbi dosjen e inceneratorëve/ Bën avokatinë publike të aferës korruptive

Inceneratorët/ Pse nuk flet më Basha?

CNA denoncoi skandalin me inceneratorët/ Basha thirrje SPAK: Justifikoni ekzistencën tuaj

Skandali në Zimbabve/ Mirel Mërtiri: Nuk jam unë Ilir Dedja

 

Skandali në Zimbabve/ Mirel Mërtiri: Nuk jam unë Ilir Dedja

 

Dokumentet ekskluzive-Skandali me tenderin e inceneratorit/ Kompania fituese pa asnjë aktivitet biznesi, shkeljet proceduriale

 

 

 

 

 

 

LEXO TE PLOTE

Politikë

Ekskluzive/ Murrizi tregon katër zonat elektorale ku do kandidojë

Publikuar

-

Nga

Ekskluzive/ Murrizi tregon katër zonat elektorale ku do kandidojë

Zgjedhjet e 25 prillit po afrojnë dhe partitë polike kanë ndezur motorrët për fushatë elektorale.

Me ndryshimet e rej në Kodin Zgjedhor, kryetarit të partisë i jepet e drejta për të kandiduar në katër zona elektorale.

Myslim Murrizi i cili drejton partinë Lëvizja Demokratike Shqiptare, ka zbuluar ekskluzivisht për CNA.al katër zonat elektorale ku do të kërkojë votën e qytetarëve.

Murrizi tha se do të kandidojë në qarkun e Fierit, Tiranë, Korçë dhe Elbasan.

Kreu i partisë Lëvizja Demokratike Shqiptare theksoi më tej se se nga takimet e ndryshme që ka zhvilluar me qytetarët ka parë tek ata një zemërim dhe zhgënjim nga kjo politikë 30 vjeçare.

“Unë kam zhvilluar takime të ndryshme dhe ajo që kemi vënë re tek qytetarët është një mërzitje, zhgënjim dhe një revoltë të madhe shpirtërore ndaj hipokrizisë së partive që kanë drejtuar këtë vend nga 31 marsi deri tani.

Partitë copa letre janë nëse nuk shoqërohen me individ konkret të cilët kanë qeverisur në këtë vend.

Partia Lëvizja Demokratike Shqiptare do të marr votë në çdo qark të Shqipërisë, do të luaj fort për mandat në qarkun e Fierit, Tiranë, Korçë, Durrës, Lezhë, Elbasan.

Kuptohet që çfarë mandate ngelen se 84 i ka marrë Rama, 82 Luli, 84 Monika, megjithëse Kuvendi ka 140 deputetë. Këta i kanë shpërndarë rreth 250 mandate, sipas sondazheve të Piperos a kush i bën. Unë kam kandidatët e mi, sepse e para në çdo qark do ketë njerëz që do të përfaqësojnë siglën e Lëvizjes Demokratike Shqiptare dhe e dyta e kemi detyrim në Kodin Zgjedhor që të kemi kandidat në të gjitha qarqet e Shqipërisë.

LEXO EDHE:  Këshilltari i djathtë liston dështimet e Bashës/ Thirrje të fortë për demokratët

LEXO EDHE:  "Sherr" mes grave të PS-PD/ Spiropali: Çadra ogurzezë. Silvi Bardhi: Të të vijë turp!

Unë do të kandidoj në Fier, Tiranë, Elbasan dhe Korçë”, tha Murrizi për CNA.al.

Kreu i Lëvizjes Demokratike Shqiptare komentoi më tej edhe marrëveshjen pas zgjedhore mes PD-LSI për të cilën kishte rezervat e tij dhe shtoi se përveç se një show i rradhës ishte edhe një hall për pushtet që kanë të dyja partitë.

Marrëveshja pas zgjedhore PD-LSI është një show i rradhës si aleanca e 1 prillit  që me të drejtë në atë kohë u quajt Aleanca e qelbësirave a e Gjirit të Lalzit. Është interes ose hall karrigesh për pushtet. Nuk është aleancë mes programeshe, idesh apo njerëzve që përfaqësojnë vlera të përafërta politike ose qytetare. Shoh një bashkim kartonash për të marrë pushtet nëse do të jetë e mundur se nuk e di si mund të ketë bashkim të një partie të qendrës së djthtë me një parti të një qendre të majtë ekstreme, siç kam pasur edhe jo pak rezerva për koalicionin 2009- 2013, megjithëse nuk kam qenë në asnjë cep të administratës”, tha Murrizi për CNA.al.

LEXO TE PLOTE

Politikë

Demostrohet identifikimi elektronik i zgjedhësve ne Kukës/Celibashi:”Siguri për procesin zgjedhor”

Publikuar

-

Nga

Komisioneri Shtetëror i Zgjedhjeve, Ilirjan Celibashi ka njoftuar se ka nisur demostrimi i Identifikimit Elektronik të zgjedhësve në Kukës.

Nëpërmjet një postimi në rrjetin social Facebook, Celibashi theksoi se ky sistem është siguri për një proces zgjedhor të rregullt dhe të ndershëm dhe se është i thjeshtë në përdorim.

“ 𝐏𝐚𝐣𝐢𝐬𝐣𝐚 𝐞 𝐈𝐝𝐞𝐧𝐭𝐢𝐟𝐢k𝐢𝐦𝐢𝐭 𝐄𝐥𝐞𝐤𝐭𝐫𝐨𝐧𝐢𝐤, 𝐝𝐞𝐦𝐨𝐧𝐬𝐭𝐫𝐨𝐡𝐞𝐭 𝐧ë #𝐊𝐮𝐤ë𝐬. Për të prezantuar funksionalitetin e Pajisjes Elektronike të Identifikimit të zgjedhësve, u simulua procesi i votimit. Sistemi i Identifikimit Elektronik të zgjedhësve që do të përdoret në ditën e votimit është i thjeshtë në përdorim për votuesit dhe i sigurtë. Sistemi i Identifikimit Elektronik, siguri për një proces zgjedhor të rregullt dhe të ndershëm”, shkruan Celibashi./CNA.al

LEXO TE PLOTE