web counter
LEXO PA REKLAMA!

SHKARKO APP

App Store
Google Play

E fundit!

x

Zgjedhjet e 25 prillit/ PD-LSI nisin mbledhjen e firmave për tu regjistruar në KQZ

20 Janar 2021, 16:03, Politikë CNA

Djegia e mandateve do vërë në provë opozitën jashtë parlamentare, të cilët kanë nisur mbledhjen e firmave për t?u regjistruar në KQZ për zgjedhjet e ardhshme parlamentare.

Partia Demokratike, Lëvizja Socialiste për     Integrim dhe aleatët e tyre janë të detyruar që para se të garojnë dhe të rifuten në Kuvend të mbledhin firmat e mbështetësve të tyre.

Konkretisht, neni 68, pika 1 e Kodit Elektoral kërkon mbledhjen e 5000 firmave nëse do të garojnë në lista të veçanta dhe 7000 firma nëse do të futen në zgjedhje  me një listë të përbashkët.

?Listat e kandidatëve për Kuvendin, të paraqitura nga partitë politike, të cilat nuk zotërojnë asnjë mandat në Kuvend, duhet të mbështeten nga jo më pak se 5 000 zgjedhës në shkallë kombëtare. Në rastin e koalicionit zgjedhor listat në tërësi duhet të kenë marrë mbështetjen e jo më pak se 7 000 zgjedhësve në shkallë kombëtare. Bën përjashtim nga ky rregull koalicioni, ku partitë  pjesëtare zotërojnë bashkërisht në Kuvend një numër mandatesh jo më të vogël se numri i partive pjesëtare të koalicionit? thuhet në Kodin Zgjedhor.

Ndonëse disa ditë më parë, në vetdeklarimin e tyre, deputetët e opozitës së re Korab Lita dhe Gjetan Gjetani janë regjistruar si deputetë përkatësisht të PD e LSI, cka do të shmangte procesin e mbledhjes së firmave, këta forca politike duket se nuk do të pranojnë ?mëshirën? e atyre që refuzuan djegien e mandateve.

Mësohet nga opozita se nuk do ta shmangin procedurën e mbledhjes së firmave pasi nuk njohin parlamentin aktual./CNA.al





Lajmet e fundit nga