E fundit!

14:42 Editorial

Çmenduria e një avokati të pandehur

Plarent Ndreca na qenka bërë sot autor i një zbulimi epoka...

“Po i helmojnë me ujin e pijshëm”/ Ish-deputetja e PD, kërkon hetim për ngjarjen e Shupenzës

10 Janar 2021, 21:52, Politikë CNA

Ish-deputetja e PD në qarkun Dibër, Dhurata Çupi ka reaguar përmes një statusi në rrjetet sociale, lidhur me helmimin e banorëve të Shupenzës.

Ndërsa shprehet se shkak për helmimin e tyre është bërë uji i pijshëm, ish-deputetja i kërkon organeve të drejtësisë të mos heshtin, por të hetojnë rastin, pasi nuk është hera e parë që ndodh në atë zonë.

Po i helmojnë prej 7 vitesh me varfëri duke i çuar në skamje.

Po i helmojnë duke u vjedhur xhepat përmes taksave që paguajnë rregullisht për 7 vjet me radhë.
U bë e disata herë që po i helmojnë me ujin që pijnë.

Janë banorët e Shupenzës kete herë dhe Bulqizes disa muaj me parë, të cilët vazhdimisht rezulton të helmohen nga uji i pijshëm në rubinetat e tyre, dhe ndonëse ky fakt është denoncuar dhjetra herë, ende askush nuk ka marrë asnjë përgjegjësi. Ndërsa banorëve u rrezikohet jeta nga helmi, auroritetet heqin përgjegjësitë nga vetja për këtë ngjarje.

Korrupsioni institucional në vepra publike është trendi i rilindjes, por ky korrupsion po u rrezikon jetën këtyre banorëve.

Asnjë hetim nuk është kryer nga organet kompetente të hetimit.

Askush nuk ndihet para një akti të tillë kriminal.

Institucionet të marrin përsipër përgjegjësitë që u takojnë në mënyrë që uji të jetë ujë dhe jo helm për banorët e Shupenzës zonë ku burimet natyrore janë aq të shumta sa nuk mund të lejohet për asnjë arsye korruptive një akt i tillë kriminal.

Organet e drejtësisë të hetojnë një orë e më parë për këtë ngjarje të përsëritur e të nxjerrin para drejtësisë përgjegjësit që po ju kushton shëndetin banorëve të Bulqizës.

Është koha për të vepruar dhe jo për të heshtur.