E fundit!

14:42 Editorial

Çmenduria e një avokati të pandehur

Plarent Ndreca na qenka bërë sot autor i një zbulimi epoka...

“S'është koha për politikë”/ Basha për përmbytjet: Duhet menaxhim

10 Janar 2021, 19:57, Politikë CNA

Kryetari i Partisë Deokratike, Lulzim Basha, ka shkuar sot pranë banorëve të zonave të përmbytura në Shkodër, Lezhë dhe Fushë Krujë, të cilët prej ditësh përballen me vështirësi për shkak të rreshjeve të mëdha.

Basha thotë se këto janë kohë të vështira për Shqipërinë, që po përballet si me dëmet nga moti, kriza ekonomike ashtu edhe nga pandemia.

Në një postim në rrjetet sociale, ai deklaron se qytetarët e kanë edhe më të pamundur për t?a përballuar këtë situatë të rënduar.

Kreu i opozitës thekson se nuk është koha për politikë, pasi sipas tij, duhet menaxhim i situatës dhe jo propagandë boshe.

“Kriza ekonomike ua ka bërë të pamundur krijimin e rezervave ushqimore apo të kursimeve monetare. Fshatra të tërë janë të izoluar prej ditësh pa asnjë komunikim me qendrat administrative, spitalet dhe tregjet. Ndërsa ndihma nga qeveria ka munguar. Sot nuk është koha për politikë, por është koha t?u vihet në ndihmë qytetarëve, me ushqime, ujë të pijshëm e medikamente pasi shumë prej tyre kanë dhe probleme shëndetësore.

Duhet menaxhim i situatës dhe jo propagandë boshe, ndërsa shqiptarët vuajnë çdo ditë e më shumë. Për fat të keq, qeverisë nuk i bëhet vonë për qytetarët. Në ditën më të keqe është shtruar në darka në restorantët më luksozë në Dubai.

Partia Demokratike dhe unë do të bëjmë çdo gjë që mundemi për të dhënë ndihmën tonë. Ne do të përballemi me këtë situatë bashkë dhe do të dalim prej saj bashkë. Pas 25 prillit, të gjithë bashkë do të ndërtojmë një qeveri që kujdeset për qytetarët dhe jo per vete. Do të sjellim shpresë për të gjithë dhe ndryshimin që presin të gjithë shqiptarët“, shkruan Basha./ CNA.al