LEXO PA REKLAMA!

SHKARKO APP

U infektua me Covid dy herë brenda pak kohe/ Andi Përmeti tregon çfarë i thanë mjekët në Amerikë

8 Janar 2021, 16:34, Aktualitet CNA

Deputeti Andi Përmeti, i cili kaloi një periudhë të vështirë për shkak të koronavirusit pasi u infektua dy herë brenda një periudhe të shkurtër ka rrëfyer fjalët që i kanë thënë miqtë e tij mjekë në Turqi dhe në Amerikë.

Përmeti  u shpreh se nuk kanë munguar rastet kur janë paraqitur pacientë të infektuar për herë të dytë në Turqi, ndërsa më Amerikë është situatë më e pazakontë pasi ka raste që infektohen për herë të tretë.

Deputeti i bëri thirrje të gjithëve që të respektojnë masat e koronavirusit pasi është sëmundje e rrezikshme që vret.

?Situata ime është realitivisht e mirë. Jam jashtë rrezikut për jetën dhe në një fazë rikuperimi që duhet të zgjasë sepse situata që kalova ishte e vështirë. Për herë të parë jam infektuar në qershor dhe riinfektimi ka ndodhur në fund të tetorit.

Gjashtë ditët e para kam qëndruar në shtëpi falë këshillave të mjekëve me medikamente të thjeshta dhe më pas, temperatura ka qenë e lartë, nuk ka rënë dhe jam shtruar tek spitali Covid 2 ku kam qëndruar 6 ditë të tjera me një gjendje që ka ardhur gjithmonë duke u përkeqësuar, duke u detyruar që të nisem me urgjencë në një spital turk, ku kam qëndruar 21 ditë në reanimacion dhe më pas në pavijon. Tashmë kam ardhur në Shqipëri dhe po ndjek fazën e rikuperimit me këshillat që më kanë dhënë mjekët.

Në Turqi më kanë thënë se ka plot raste riinfektimi për herë të dytë. Disa mjekë miq të mi që kam komunikuar në Amerikë, më kanë thënë se në Amerikë po vijnë dhe raste të treta. Nuk kam siguri dhe antitrupa se kjo është një virozë. Nuk është një lloj shqetësimi por për ti treguar njerëzve që të durojnë distancimin social dhe maskat.

Unë dhe pa u infektuar herën e parë, kam bërë thirrje që njerëzit të mbajnë maska se kjo nuk është një shaka. I kam bërë thirrje mediave që të mos mbajnë në studio sharlatanë sepse është virus që merr jetë. Dëgjova që një djalë 21 vjeç nga Durrësi ka ndërruar jetë. Kjo tregon se kjo virozë nuk pyet për moshë. Kujdesuni për veten sepse shëndeti është gjithçka. Është virozë që vret dhe merr jetë?, tha Përmeti për ?Fax News?./CNA.al

Lajmet e fundit nga