E fundit!

19:02 Kronika

Autori i maskuar me maskë dhe paruke/ Zbulohen detaje nga atentati në Elbasan

Tre persona janë plagosur me armë zjarri një natë më parë ...

30 vite nga numri i parë i Rilindjes Demokratike/ Çfarë deklaronte në vitin 2000 Monika Kryemadhi për gazetën opozitare

5 Janar 2021, 18:44, Politikë CNA

Me 5 janar të vitit 1991 doli numri i parë i gazetës Rilindja Demokratike, e para gazetë opozitare, që u projektua si organ i PD-së.

Sot bëhen 30 vite nga botimi i numrit të parë të kësaj gazete, ndërsa CNA.al sjell sërish si rikujtim deklaratën e kryetares së LSI-së Monika Kryemadhi për Rilidjen Demokratike.

21 vite më parë, më 5 gusht të vitit 2000, Kryemadhi sulmonte Rilindjen Demokratike dhe ish-kryeministrin Sali Berisha për shkrimet në këtë gazetë.

Ajo akuzonte Berishën për shpifje dhe deklaronte se kishte hedhur në gjyq Rilindjen Demokratike, duke paralajmëruar këtë të fundit se nuk do të ndalonte derisa të merrte dëmshpërblim për të gjitha shpifjet.

?U bënë disa muaj që Sali Berisha ka vënë tellallin e vetë gazetën ?Rilindja Demokratike?, që të sajojë dhe të përhapë shpifje nga më monstruozet për personin tim. Sot unë vendosa ta hedh në gjyq gazetën ?RD? dhe të mos i ndahem deri ditën kur të kem marrë dëmshpërblimin për të gjitha shpifjeve ndaj meje. Mirëpo kjo nuk mjafton prandaj sot unë dua gjithashtu t?i drejtohem Sali Berishës, psikopatit që mundohet prej dhjetë vjet të mbajë peng Shqipërinë dhe shqiptarët. Këtë e bëj personalisht si nënë e dy fëmijëve të fëmijëve të vegjël dhe jo si bashkëshorte e kryeministrit të Shqipërisë.

Pavarësisht se e di fare mirë se duke shpifur ndaj meje, Sali Berisha kërkon të hedh baltë mbi babanë e fëmijëve të mi. Ilir Meta ka të drejtën e tij dhe detyrën institucionale të mos mbajë asnjë lloj qëndrimi personal ndaj askujt, qoftë ky edhe keqbërësi Sali Berisha. Kurse unë gruaja e Ilir Metës, nuk jam përgjegjëse ndaj askujt përveç familjes time dhe fëmijëve të mi. Prandaj në emër të tyre unë e akuzoj sot Sali Berishën, si një shpifës dhe mashtrues ordiner, si një armik të qetësisë familjare të shumë e shumë njerëzve të ndershëm?, thuhet në deklaratën e Kryemadhit, të bërë 21 vite më parë./ CNA.al