web counter
LEXO PA REKLAMA!

SHKARKO APP

App Store
Google Play

Nuk zgjedh pushtetin personal para integrimit/ Meta tregon pse u prish me Fatos Nanon

4 Janar 2021, 22:03, Politikë CNA

Presidenti Ilir Meta është kthyer pas në kohë, sonte në ?Opinion? ku në një intervitë ekskluzive, ka kujtuar kohën kur u bë deputet, lëvizjen studentore dhe marrëdhëniet me Fatos Nanon.

Meta tha se me këtë të fundit u prish për shkak se ky i fundit humbi përkushtimin që duhej për integrimin europian të vendit.

?Thyerja jonë erdhi për arsye sepse Nano për arsye nga më të ndryshmet, nuk besoj që sot këtu  është vendi  për t?i analizuar, humbi përkushtimin që duhej për integrimin europian të vendit.

Ne bëmë një marrëveshje, ai u bë Kryeministër, kurse unë Zv/Kryeministër dhe Ministër i Jashtëm.

Presidentin vendosëm t?ia jepnim, ose ta vendosnim me Partinë Demokratike. Pikërisht,  për të zhbllokuar atë ngërç që u krijua për çështjen e integrimit të vendit dhe për Marrëveshjen e Stabilizim Asociimit dhe unë do të ndiqja marrëveshjen.

Por, sapo marrëveshja u hap mbas kësaj zgjidhje që u bë, ku kuptohet, që unë mendoj se luajta rol kryesor, qeveria nuk po përmbushte ato angazhimet që duhet të përmbushte, për sa i takonte integrimit europian të vendit, nuk po bënte ato reforma që duhet të bënte.?

Ai u pyet dhe se përse e refuzoi një marrëveshje që Nano,  mund të bëhej President dhe ai të merrte kryesimin e Partisë Socialiste dhe të bëheshe Kryeministër?

?E di, por kjo do të penalizonte integrimin europian të Shqipërisë. Ishte paralajmëruar qartë në një rezolutë nga Parlamenti Europian, se zgjedhja e Presidentit nga mazhoranca në mënyrë të njëanshme, për shkak të Dushkut, do penalizonte integrimin e Shqipërisë.

Ju, e mbani mend do të ishte një problem serioz i legjitimitetit të këtij institucioni nga Bashkimi Europian. Sepse ishte prekur, ishte bërë një faull,  për të cilin mazhoranca do të merrte përgjegjësit e saj.

E rëndësishme për mua ishte që ne,  të ecnim sa më shpejt në atë proces. Unë i kisha kushtuar gjithë energjitë e mia, gjitha pasionin tim. Nuk mund të merrja përsipër që për hir të pushtetit tim, apo të forcimit të pushtetit tim,  të ngrinte një proces që ishte jetik për vendin.?/CNA.al





Lajmet e fundit nga