web counter
LEXO PA REKLAMA!

SHKARKO APP

App Store
Google Play

E fundit!

x

Skandal/ Ilir Meta e pranon publikisht: Unë kam bllokuar investimet në Vlorë

4 Janar 2021, 19:39, Politikë CNA

Presidenca ka reaguar nëpërmjent një shkrese zyrtare për përmbushjen e detyrimeve kushtetuese dhe ligjore për lidhjen e marrëveshjes së Huasë ndërmjet Shqipërisë dhe Fondit Saudit për Zhvillim, për Projektin e ?Rehabilitimit dhe ndërtimit të objekteve në afërsi të rrugës bregdetare? (Vlorë-Orikum).

Zëdhënësi i presidentit Tedi Blushi, pranon se Meta është autori i bllokimit të investimeve dhe huasë, duke rendituar disa nga ato që ai i quan argumenta.

Kështu Kreu i Shtetit tregon qartë se këtë gjë po e bën për interesat e tij personale dhe kundër interesave të qytetareve të Vlorës

Gjithë argumentat e tjera janë thjesht justifikimet e turpshme të Ilir Metës që këtë herë sërish është kapur i gjallë dhe në flagrancë duke u investuar kundër interesave të qytetarëve shqiptarë.

?Pas inskenimeve dhe deklaratave të papërgjegjshme, të bëra sot në Vlorë, nga Kryeministri ende në detyrë, për nevoja të propagandës së tij elektorale, jemi të detyruar të bëjmë publik qëndrimin zyrtar të Presidentit të Republikës Sh.T.Z Ilir Meta: ?Mbi përmbushjen e detyrimeve kushtetuese dhe ligjore për lidhjen e marrëveshjes së Huasë ndërmjet Republikës së Shqipërisë dhe Fondit Saudit për Zhvillim, për Projektin e ?Rehabilitimit dhe ndërtimit të objekteve në afërsi të rrugës bregdetare (Vlorë-Orikum)??.

Nga kjo letër, drejtuar Ministrisë së Financave dhe Ekonomisë, si dhe Ministrisë për Europën dhe Punët e Jashtme, evidentohet qartë se Presidenti Meta në mënyrë të përsëritur ka kërkuar informacion mbi arsyet pse nuk është respektuar procedura kushtetuese dhe ligjore për t?u pajisur me autorizim nga Kreu i Shtetit, për të negociuar termat financiarë të një marrëveshje huaje, që lidhet në emër të Republikës së Shqipërisë.

Është tashmë e qartë se, Kryeministri ende në detyrë synon, që në shkeljet e rënda për këtë marrëveshje, të përfshijë dhe Presidentin e Republikës, me qëllim, që këtë model antikushtetutshmërie, ta përdorë edhe në praktika të tjera të ngjashme, që Qeveria ka në proces.

Presidenti Meta, sikundër ka bërë publike, është i vendosur dhe nuk do të tolerojë në asnjë rast shkeljen e Kushtetutës.

Presidenti Meta, garanton qytetarët e Qarkut të Vlorës dhe të gjithë Shqipërisë se është i vendosur të mbrojë interesin publik dhe njëkohësisht do të respektojë kërkesat e tyre për investime publike, pa i lënë shteg Kryeministrit ende në detyrë, që të shpërdorojë fondet shtetërore për qëllime selektive elektorale?, thuhet në deklaratën e Blushit, i cili ka publikuar në rrjetet sociale letrën e Metës drejtuar ministrisë së Financave dhe asaj të Punëve të Jashtme./ CNA.al





Lajmet e fundit nga