web counter
LEXO PA REKLAMA!

SHKARKO APP

App Store
Google Play

E fundit!

x

Bilanci i vetingut për vitin 2020/ Zbardhet sa gjyqtarë dhe prokurorë janë shkarkuar nga KPK

31 Dhjetor 2020, 17:36, Vetingu CNA

Vlerësimi i gjyqtarëve dhe prokurorëve në tre kriteret, atë të pasurisë, pastërtisë së figurës dhe profesionalizmit ka sjellë boshatisjen e sistemit të drejtësisë.

Rreth 190 gjyqtarë dhe prokurorë kanë dalë nga sistemi i drejtësisë për shkak të procesit të vetingut. Qysh prej vitit 2018 kur nisi procesi i vlerësimit kalimtar të gjyqtarëve dhe prokurorëve dhe deri më tani, ka rezultuar se shumë nga njerëzit e sistemit të drejtësi kanë qenë të korruptuar, ku për rrjedhojë janë përjashtuar për 15 vite larg sistemit.

CNA.al. ka bërë një bilanc për vendimet që janë dhënë gjatë vitit 2020 nga Komisioni i Pavarur i Kualifikimit.

Gjatë këtij viti janë dhënë plot 32 vendime për shkarkimin nga detyra të 25 gjyqtarëve, 7 prokurorëve

Sipas të dhënave të KPK-së, përgjatë vitit 2020 janë dhënë edhe 28 vendime për ndërprerjen e procesit të rivlerësimit të 18 gjyqtarëve, 7 prokurorëve, 2 këshilltarëve ligjorë dhe 2 ish-inspektorëve në ish-KLD, si dhe 1 vendim për pezullimin nga detyra të një gjyqtari. Po ashtu, Komisioni i Pavarur i Kualifikimit gjatë këtij viti ka dhënë edhe 2 vendime për përfundimin e procesit për 1 prokuror dhe 1 gjyqtar.

Pra në total janë plot 32 të shkarkuar vetëm gjatë 2020. Por kjo do të thotë se referuar statistikave janë rreth 190 gjyqtarë dhe prokurorë të ngelur në veting, të cilët rrezikojnë të shkojnë drejt hetimit. Një kërkesë të kësaj natyre e ka kërkuar herë pas here edhe SHBA dhe BE, madje ky i fundit e ka vënë si kusht për integrimin europian hetimin e të ngelurve në veting./CNA.al





Lajmet e fundit nga