web counter
LEXO PA REKLAMA!

SHKARKO APP

App Store
Google Play

E fundit!

x

“Shkarkimi i mjekut, veprim i turpshëm”/ Petrit Vargu: Nuk na e mbyllin dot gojën

30 Dhjetor 2020, 18:52, Aktualitet CNA

Doktori Petrit Vargu u shpreh se vendimi për shkarkimin e mjekut Ilir Allkja është i turpshëm, duke shtuar se QSUT është kthyer në një terr të diktaturës.

Në një reagim, ai shprehet se ka menaxherë të qeverisë që po tentojnë tu mbyllin gojën mjekëve por një gjë e tillë sipas tij është e pamundur.

?Shkarkimi i Allkjas, vendim i turpshëm. Menaxhimi në spitale lë shumë për të dëshiruar. Në QSUT, që kur ka ardhur zoti Enkelejd Joti, nuk është bërë asnjë autopsi.

Ka menaxherë që fajësojnë mjekët, që duan t?ua mbyllin gojën atyre që flasin. Nuk mund të mbyllim gojën. QSUT është bërë terr i diktaturës. Kjo sepse QSUT po lëngon dhe prandaj kemi vdekje kaq të larta nga Covid-19?, tha Vargu.

Petrit Vargu nënvizon se në QSUT ka probleme me drejtimin e institucionit, duke nënvizuar se kjo gjë ka sjellë degradimin e gjendjes.

?Unë jam i majtë, por jam kritik ndaj kësaj qeverie, si po e menaxhon situatën. Në shëndetësi ka politika të majta dhe të djathta, por mjeku duhet të thotë të vërtetën, kjo nuk do të thotë se ka qëllime politike.

Unë mendoj se njerëzit që janë vënë pa lidhje me QSUT-në, e kanë degraduar gjendjen. Vjen një njeri që nuk ka kualifikimin, që të drejtojë mjekët. Gjatë drejtimit të QSUT të këtij drejtori, 3 mjekë të rëndësishëm kanë dhënë dorëheqjen. Rama bën deklarata propagandë. As imuniteti i tufës nuk është i vërtetë?, vlerësoi Vargu./CNA.al





Lajmet e fundit nga