E fundit!

12:20 Aktualitet

EKSKLUZIVE/ Ja kandidatët për postin e nëndrejtorit në Policinë e Shtetit

CNA ka zbuluar ekskluzivisht se cilët do të jenë kandidatë...

Abuzimet me fondet publike/ Albana Adhami përfshihet në skandal

24 Dhjetor 2020, 20:54, Aktualitet CNA

Albana Adhami, e cila mban detyrën e drejtoreshës së Fondit të Sigurimeve të Detyrueshme të Kujdesit Shëndetësor është kapur nga Kontrolli i Lartë i Shtetit me një sërë shkeljesh të mëdha, të cilat i kanë shkaktuar miliona lekë dëme buxhetit të shtetit.

Nga një auditim i kryer nga KLSH, ka rezultuar se Adhami ka dalë me bilanc negativ.

CNA.al ka siguruar raportin e plotë të KLSH, ku materialet që janë dërguar në Kryeministri në vitin 2015 tregojnë qartë për skandalet e Albana Adhamit në këtë institucion.

Në këtë dokument theksohet se Adhami nuk ka kryer kontrolle dhe inspektime mbi farmacitë me rimbursim të lartë. Nga ky skandal i evidentuar, i cili u bë edhe shumë mediatik u shkarkua Drejtori i Pergjithshem i asaj kohe Astrit Beci.

Po ashtu, në raportin e KLSH të nxjerrë në vitin 2015 thuhet se nga kontrolli i ushtruar në Fondin e Sigurimeve janë konstatuar shkelje shumë të rënda në menaxhimin e këtij institucioni. Nga korrupsioni, ky institucion ka shkaktuar një dëm të madh financiar përmes skemave të ndryshme me qëllim vjedhjev e fondeve publike, e cila arrin shifrën e 150 milionë lekë.

KLSH thekson gjithashtu në raportin e saj se në bazë të analizës së subjekteve farmaceutike që kanë kontratë me Fondin si dhe vlerat e depozituara nga ato me anë të recetave të rimbursueshme, grupi i kontrollit ka ngritur dyshime të bazuara se dëmi i shkaktuar te buxheti i shtetit është akoma dhe më i madh.

Ndërsa në një raport nga drejtoria e auditimit të brendshëm e cila mban datën 30.04.2020, Adhamit i janë dëruar disa rekomandime të cilat duhet të përmbushen sa më parë.

Aktualisht Albana Adhami mban detyrën Drejtore e Përgjithshme e Komanduar në Fondin e Sigurimit të Detyrueshëm të Kujdesit Shëndetësor, raportet e Kontrollit të Lartë të Shtetit e kanë zënë me shkelje Albana Adhamin pasi ka qenë Drejtore e Drejtorisë që ka financuar miliarda lekë të farmacite fiktive, ka ndjekur rimbursimin ka bërë analiza fantazmë dhe kontrolluar subjektet farmaceutike./CNA.al