E fundit!

10:35 Live Updates

Hijet e Erion Veliajt në protestë

Veliaj përmes Arta Dades refuzon “antimiti...

“Kodi i Drejtësisë Penale për të miturit parashikon disa masa”/ Hysi: Fëmijët po keqpërdoren në protestë

14 Dhjetor 2020, 15:30, Politikë CNA

?Përdorimi i fëmijëve në protestë për veprime të dhunshme është vepër penale?. Kështu deklaroi sot nënkryetarja e Kuvendit Vasilika Hysi.

Hysi tha se i ka ndjekur protestat si një e drejtë që ka çdo qytetar për të protestuar, por edhe me shqetësim, për shkak të mënyrës si u zhvilluan dhe po zhvillohen me përfshirjen e fëmijëve nën moshën e përgjegjësisë penale, apo dhe të fëmijëve që kanë mbushur përgjegjësinë penale por janë të mitur.

?Në këtë kuadër, meqë jam e përfshirë në politikë dhe kam kontribuar në mbrojtje të të drejtave të fëmijëve, i kam ndjekur me shqetësim pasi kam konstatuar një keqpërdorim të fëmijëve nën moshën e përgjegjësisë apo dhe të fëmijëve që kanë mbushur moshën 14-18 vjeç, për të mos folur për përdorimin e dhunës?, tha ajo.

Ndërsa i shprehu ngushëllime familjes së të riut Klodian Rasha, Hysi tha se ngjarja është e rëndë dhe organet e hetimit duhet ta hetojnë.

Në lidhje me aktet e dhunës në protesta dhe kush duhet ta mbajë përgjegjësinë kur fëmijët janë të mitur, Hysi tha se këto ditë nuk është folur aspak për të drejtat apo detyrimet që ka familja apo institucionet shtetërore.

?E para përgjegjëse për rritjen, edukimin dhe kujdesjen dhe mirërritjen e fëmijëve është familja. Edhe ligji këtë njeh detyrim parësor E dyta, familja e ndan këtë përgjegjësi me institucionet shtetërore dhe me shoqërinë civile. Çdo fëmijë ka të drejtë për t?u dëgjuar, për pjesëmarrje në tubime, por askush nuk ka të drejtë të keqpërdorë fëmijën dhe ca më tepër ta shtyjë fëmijën në krim. Në këtë kuadër përgjegjësia e parë është e familjes. Ligji përcakton qartë dhe saktë si veprohet nëse fëmijët kryen vepra apo dyshohet që ka kryer vepra penale dhe nuk ka mbushur moshën 14 vjeç, sikundër edhe për fëmijët të cilët e kanë mbushur moshën 14 vjeç. Fëmijët që kanë mbushur moshën 14-18 vjeç kanë përgjegjësi penale, por megjithatë detyrimet prindërore ekzistojnë?, tha ajo.

Në vijim, Hysi tha se është miratuar Kodin e Drejtësisë Penale për të Miturit i cili është një ndër kodet bashkëkohore i cili parashikon një sërë masash për trajtimin e rasteve të tilla, ku një zë i veçantë është pikërisht mundësia që fëmija të shmanget nga ndjekja penale nga burgosja, por ka shumë përgjegjësi familja. ?Institucioni i ri që është futur në Kodin Penal për fëmijën e ngarkon familjen me një sërë përgjegjësish. Për vepra penale nën 5 vite, prokurori ose gjykata mund të vendosë shmangien e fëmijës nga dënimi me burg, por nga ana tjetër familja ka disa përgjegjësi?, theksoi Hysi./CNA.al