web counter
LEXO PA REKLAMA!

SHKARKO APP

App Store
Google Play

PD akuzon qeverinë/ Po vjedh në kohë pandemie, ka marrë 15 milionë euro borxh këtë javë

6 Dhjetor 2020, 15:19, Politikë CNA

Partia Demokratike ka hedhur akuza ndaj qeverisë se po merr borxh për të mbushur xhemat e tyre dhe të oligarkëve.

Përmes një postimi në rrjetin social, selia blu thekson thekson se qeveria nga njëra anë merr lekë borxh dhe nga ana tjetër pajisjet e mjekëve i ble 3 herë më shtrenjtë, duke theksuar se vendi nuk e përballon dot më një mandat të tretë me Edi Ramën kryeministër.

?Shqiptarët po e paguajnë shumë shtrenjtë faturën e qeverisë së dështuar dhe të papërgjegjshme, që vjedh edhe në kohë pandemie. Këtë javë qeveria mori edhe 15 milionë euro të tjera borxh për pandeminë, por paratë po shfrytëzohen për të mbushur xhepat e qeveritarëve dhe klientëve të saj.

Nga njëra anë merren lekë borxh, nga ana tjetër, me lekët borxh pajisjet anticovid për mbrojtjen e mjekëve po blihen 3 herë më shtrenjtë. Ato blihen me trefishin e çmimit nga qeveria, kur në spitale ka mungesa të mëdha dhe kur qytetarëve nuk u jepet as ndihmë e shtuar ekonomike për të përballuar krizën.

Na kushton më lirë që ta largojmë këtë qeveri! Vendi nuk e përballon dot edhe një mandat të tretë me Edi Ramën. Duhet të ecim përpara! Është koha për ndryshim?, thuhet në reagimin e PD./CNA.al.





Lajmet e fundit nga