Krimi në Elbasan/ Si u shndërrua biznesi i lojërave të fatit në arenë përplasjesh mes fisit Çapja dhe Çelaj

2 Dhjetor 2020, 21:23, Kronika CNA

Lulëzimi i krimit në Elbasan ka filluar para shumë vitesh dhe vazhdon edhe sot. Ngjarja e fundit ka ndodhur para disa javësh ku dy të rinj nga familjet rivale Çapaj dhe Çelaj janë përfshirë në një konflikt.

Emisioni Unpublished do të hedh dritë mbi arsyet e lulëzimit të krimit dhe do të tregojë historinë e konfliktit mes dy fiseve rivale. Ekspertët e policisë mendojnë se grupeve kriminale iu është krijuar terreni, për të ngritur të qetë ?perandoritë e tyre?.

?Në Elbasan po, ekziston një aktivitet kriminal i spikatur, kjo tregon që shteti nuk ia ka dalë. Policia ka shumë mundësi që t?ia dalë në fakt. Sa iu përket bandave, në Elbasan kemi fise. Banda të ngritura në fise?, thotë zoti Klosi.

Ngjarjet nisin në vitin 2005, me lulëzimin e biznesit të lojërave të fatit në vendin tonë. Sokol Çapja që njihej edhe si shtylla kryesore e fisit, menaxhonte një kompleks të madh në qytet.

Qetësia e të parit të Çapjave u prish nga dalja në skenë e një operatori të ri në këtë treg, përfaqësuar nga italiani Paolo Mazzuco. I gjendur nën presion, italiani vendos të largohet vetë nga Shqipëria, por të vijonte biznesin e tij, duke ia lënë në dore administrimin, Rezart Çelës, pjesë e një tjetër fisi me emër në Elbasan. Këtu nisin edhe përplasjet mes dy fiseve.

Por lufta mes dy bandave rivale në Elbasan ka çuar dhe në një krim tjetër atë që njihet si vrasje me pagesë. Ish-shefi i policisë Arben Hajdarmataj jep mendimin e tij për këtë fenomen.

?Një tjetër shqetësim janë vrasjet me pagesë, që janë shtuar shumë. Grupet kriminale kanë arritur deri aty saqë rekrutojnë njerëz për të kryer vrasje, me tarifa fare të ulëta. Me 5000 euro?,-tregon për Unpublished Hajdarmataj.

Përplasjet mes dy fiseve vijonin të zgjeronin emrat e përshirë në to. Në këtë skenë futet edhe Fadil Mema, ish-shefi i Qarkullimit Rrugor Elbasan, gjithashtu kandidat për deputet në këtë qark përballë Qazim Sejdinit dhe Aurel Bylykbashit. Pas një miqësie të prishur me Çapjat, ndaj tij kryhen tre atentate. Dy të parëve Mema arriti t`iu mbijetojë, por fatali ishte ai i 13 Marsit të 2015-ës, në Torino, ku edhe humbi jetën. Ekspertë i shohin ngjarjet kriminale të lidhura edhe me politikën.

?Krimi është i kënaqur kur ka debate të forta politike. Kur përgatiten zgjedhjet për shembull, ka një aktivitet kriminal të ngritur. Kryesore është politika, është ajo që orkestron çdo aktivitet tjetër?,-shprehet zoti Klosi.

?Një eksponent i krimit merr garanci diku. Se ku merret duhet të japin llogari ata që janë në pushtet, ata që janë në drejtim, ata që kanë për detyrë të luftojnë krimin?, tregon zoti Vata.

E vetmja ngjarje e zbardhur nga gjithë kjo sagë vrasjesh, është ajo e ekzekutimit të Roland Rexhepit. Në dosjet e tjera policore ka dhjetëra të dyshuar, të hetuar, të skeduar, por asnjë pas hekurave.

Përplasja mes dy fiseve Çapja dhe Çela, është ndoshta më e forta, por jo e vetmja histori krimesh në Elbasan. Të tjera ngjarje kanë vite që gëlojnë në këtë qytet, shumica pa autorë të vendosur pas hekurave të burgut.