Nga Matilda Gjini/ Mos ua mbyllni gojën vajzave që rebelohen dhe kërkojnë barazi!

30 Nëntor 2020, 11:59, Opinione CNA

Para disa ditesh, me 25 Nentor, ishte Dita Nderkombetare e Dhunes ndaj Guas. Eshte vendosur kjo date sepse me 25 nentor 1960 ne Republiken Domenikane u gjeten te masakruara tre motra, Minerva, María Teresa dhe Patria Mirabal.

Faji i tyre i vetem ishte se u rebeluan padrejtesive te regjimit diktatorial te Rafael Trujillos.

Kur lexova per here te pare historine e tyre, me erdhi ne mendje nje nga imazhet me te trishta te femijeris time ne Shqiperi. Behet fjale per vitet 2000; jetoja ne Lac kur komshiu jone vrau tre motrat e tij, tre studente rreth te njezetave.

Mbaj mend mamane time qe mundohej te na shpjegonte ne, tre vajzave dhe djalit te saj, se si vellai kishte vrare tre motra, dhe nuk e kuptonim.

Kane kaluar rreth 20 vite, dhe akoma nuk kemi arritur te kuptojm se si mund te ndodhe dicka e tille. Ne te gjitha publikimet boterore mbi dhunen kunder grave, numrat e Shqiperise jane te frikshem.

Studimet e United Nation Women afermojne qe 1 ne 2 femra ne Shqiperi ka pesuar ne jeten e saj te pakten nje nga keto tipologji dhune: dhune fizike ne familjen ku eshte rritur, dhune bashkeshortore ose dhune fizike dhe seksuale jashte familje dhe martese.

Shumica jone degjojme lajmin ne televizion, themi nje ?ah sa gjynah e shkreta? dhe kalojme tek lajmi tjeter. Por do ndryshojme gje keshtu?

Kuptomeni, nuk po them qe duhet te dalim mendsh dhe te permbysim vendin sa here qe kjo ndodh, por le te fillojm me gjera te vogla. Le te zgjedhim me shume femra qe na perfaqesojne e na mbrojne ne parlament. Le te edukojme djemte qe te vegjel qe te respektojne dhe te mesojne qe te vesh dore mbi nje femer esht akti me i ulet dhe frikacak qe mund te kryeje nje burre.

Mos tu mbyllim gojen qe ne femijeri vajzave sa here qe rebelohen dhe kerkojne barazi, sepse do rriten duke menduar se meshkujt kane gjithmone te drejte, dhe se nga ato duhet te pranojne gjithcka. Dhe keshtu pranojne shuplaken e pare, shuplaken e dyte, te rrahurat, dhe ne fund, kur ti vrasin, eshte pak vone te rebelohen.

Cdo gje e madhe ndertohet duke bashkuar copeza te vogla. Ne shqiptaret me mire se kushdo e dime qe ?Gur Gur behet Kalaja? prandaj duhet te japin kontributin tone te vogel duke nisur nga familja jone, per te ndertuar nje Shqiperi te sheruar nga plaga qe kemi prej shume viteve: dhunen ne familje.