Aktualitet
“Kërcënimet” e Artan Lames/ Top Story tërhiqet nga emisioni
Dje në Korçë, Drejtori i Përgjithshëm i Kadastrës, Artan Lame ka dalë në një konferencë për shtyp. Ai ka folur ashpër për çështjen e pronave në Vlorë, kryesisht në zonën e bregdetit. Zoti Lame tha se janë hequr shumë drejtorë dhe do të hiqen edhe të tjerë deri tek drejtorët e përgjithshëm, çdo njeri që është përfshirë në këtë dosje. Ka njerëz që prej 20 vitesh nuk marrin dokumentat e pronësisë. Ndërkohë nga ana tjetër Top Story kishte paralajmëruar se ditën e martë do të bënte një emision në lidhje pronat në jug sot u njoftua shtyrja e tij.
Kjo çështje nuk është rastësisht në emisionin e Top Story.
Gati një vit më parë Top Story bënte emisione kundër Nadir Çaushollit dhe e akuzonte ashpër pronarin e një prej kompanive më të mëdha të distribucionit farmaceutik. Por pas shumë akzuzash, kallëzimesh në prokurori, letra në ambasadën amerikane, palët janë pajtuar tashmë dhe Nadiri është një nga sponsorat e Top Channel. Nuk ndodh kot që të bëjë emision Top Story apo të jetë e rastësishme.
Nuk ndodh kot, që të jetë e rastësishme një emision për pronat në jug ndërkohë që në Dhërmi pak kohë më parë, Ben Blushi regjistroi në zyrën e pasurive, rreth 6 mijë metër katror truall, pasi ia kishte blerë një banori të zonës që në fakt prona që pretendon Blushi figuron të jetë shtet në historikun e saj dhe më pas më nderhyrjen e antikorrupsionit, prona u çregjistrua. Të dyja këto duken të rastësishme?
A mund të jetë të i rastësishëm emisioni për plehrat, për konçesionin e inceneratorëve, propaganda e pafundme e Top Channel për inceneratorin e Elbasanit, të Fierit, apo landfillin e Tiranës, pa folur këtu për kronikat e pafundme për Durrësin dhe 15 milionë eurot e dhëna nga qeveria për të bërë kapsulimin e mbetjeve.
Janë emisione “të rastësishme” që i bën Top Story dhe i shet në publik se Nadir Çausholli ishte një problem i madh, se pronat në bregdet janë një problem i madh, në fakt e vërteta është se janë problem dhe zgjidhje duhet të kenë, por jo sipas interesave që iu shkojnë Top Channel dhe drejtorit të tij Ben Blushi dhe aksioneres Vjollca Hoxha sepse ato emsionet e inceneratorëve janë ortakët e Ben Blushit dhe Vjollca Hoshës, ortakët e Lori Caffe, të Klodian Zotos dhe Mirel Mërtirit.
Janë emisione për të marrë reklama apo më keq akoma për të shantazhuar bizneset, pa shkuar më tej tek përdorimi i Top Channel dhe emisionit për interesa personale të Ben Blushit, për pronat e tij në Dhërmi. Janë disa dhjetëra emisione, disa dhjetëra raste të Top Story-t, i cili është tërhequr tashmë duke i justifikuar se do të shikojë raste të tjera të banorëve të zonës dhe ka bërë një hap pas.
A mund të shesë moral Top Story, kur është përdorur turpësisht?
Ka shumë raste kur emisioni ka ndryshuar rrugë, ka shkuar totalisht për interesat personale të Vjollca Hoxhës, Ben Blushit dhe ortakëve të tyre./CNA.al
Ekskluzive dokumenti- Ja si grabiti Ben Blushi 6 mijë m2 në Dhërmi
Publikohet dokumenti/ Ben Blushi grabit pronën në bregdet, me ndihmën e Ramës
Nga Korça, në Vlorë/ Ben Blushi “hajdut” tokash, si u pasurua me ardhjen e Rilindjes
Gazetari denoncon skandalin/ Ben Blushi grabit pronën në Dhërmi
Politikë
Zgjedhjet e 25 prillit/ Murrizi prezanton kandidatin e Durrësit
Zgjedhjet parlamentare të 25 prillit do ta gjejnë vendin tonë me parti të reja, të cilat kanë pretenduar se do të kenë kandidatët e saj në çdo qark.
Një prej tyre është edhe partia Lëvizja Demokratike Shqiptare e Myslim Murrizit, i cili ka prezantuar edhe kandidatin për qarkun e Durrësit.
Murrizi ka zhvilluar një takim me banorët e Shijakut, nga ku deklaroi se kandidati për deputet në këtë zonë do të jetë Ergys Leba.
“Nje takim ne Shijak ( 4 Rruget) me Qytetaret organizuar nga Ergys Leba kandidat i Partise Levizja Demokratike Shqiptare per qarkun Durres
Me 25 prill do te ndeshkojme me vote çdo parti politike qe e ka trajtuar si prone prej 30 vitesh voten tone dhe çdo politikan mashtrues qe pasi shkon ne Parlament, nuk flet dhe nuk pyet më per Votuesit”, shkruan Murrizi./CNA.al
Sociale
Rrëfimi i aktorit të njohur/ Në Amerikë punoja roje shkolle, ma vodhën 5 herë brenda javës
Aktori i madh i humorit Xhevahir Zeneli ka rrëfyer ngjarje nga jeta e tij artistike por edhe personale.
I ftuar në A-Show me gazetarin Adi Krasta, ai tregoi se është nga fshati Luaras i Kolonjës, që ka nxjerrë 3 mësues të shquar, ku në filmin e tij të parë me regji të Vladimir Priftit, kishte pikërisht rolin që duhet të vriste mësuesin e shquar të fshatit të tij, Petro Nini Luarasin.
‘Unë jam nga Luarasi i Kolonjës, fshati i mendjes nga ku kanë dalë tre mësues të mëdhenj. Madje në filmin tim të parë me regji të Vladimir Priftin unë kisha rolin që të vrisja mësuesin, Petro Nini Luarasi”, u shpreh Zeneli.
Gjithashtu ai ka treguar edhe për jetën e tij në Amerikë, ku punonte si roje shkolle.
“Në Amerikë punoja roje shkolle, por brenda javës ma vodhën shkollën 5 herë. Unë në shkollë nuk kam qenë ndonjë me mesatare të mire, por kisha një kryetar Komiteti që më tha ti do shkosh në shkollë. Birçe Hasko më vonë më tha që ke qenë në teh të thikës edhe mund të të flaknim jashtë. Por unë nuk kam pasur mik, pasi unë kam qenë djalë i një polici dhe i një nëne që ishte kamariere”, tregon ai./CNA.al
Politikë
“Me Patozin kemi qëllime të përbashkëta”/ Topalli: Kandidoj në katër qarqe
Drejtuesja e Lëvizjes për Ndryshim, Jozefina Topalli ka treguar nëse do të futet në zgjedhje me një listë të përbashkët me kreun e Bindjes Demokratike Astrit Patozi.
Ajo u shpreh se të dy kanë qëllime të përbashkëta dhe se kanë diskutuar, por ende nuk kanë marrë një vendin nëse do të dalin me një listë të përbashkët në zgjedhje ose jo.
Teksa ka deklaruar se partia e saj është në përfundim listave të kandidatëve për deputet për zgjedhje, Topalli shtoi se do të kandidojë në 4 qarqe dhe këtë e bën për të maksimilizuar votat.
“Jemi në përfundim të listave të kandidatëve, kemi patur përqendrim në zgjedhjen e emrave. Janë emra që do bëjnë diferencë. Të mos jenë të korruptuar. Besoj se sot ka nevojë për njerëz të pakorruptuar me integritet dhe që kanë kurajo për tu ngritur kundra politikanëve të korruptuar. Kemi diskutuar me Patozin kemi qëllime të përbashkëta por ende skemi vendosur nëse do dalim në lista të përbashkëta. Unë do jem në krye të 4 qarqeve për të maksimizu qarqet., 2 të parat e i kam në kokë por po mendoj për 2 të tjerët. Ndoshta kanë avancuar në marrëveshjet e nëndheshme. Se përjashtoj mundësinë”, tha Topalli në një intervistë për Report tv./CNA.al
Lajme të Rekomanduara:
Skandaloze dhe tallje/ Ja çfarë shet si sondazhe Çim Peka
Sot në mbrëmje, televizioni i Çim Pekës, Syri Tv, publikoi një sondazh dhe deklaroi se ishte bërë nga një kompani serioze britanike dhe dha disa...
Analiza e shifrave dhe mandateve/ Zgjedhjet e 25 prillit i vendosin këto 3 qarqe
Zgjedhjet e 25 prillit duket sikur janë tek dera megjithëse duhet gati edhe 3 muaj. Fushata ka filluar dhe palët bëjnë llogaritë. Nga jugu në...
