web counter
LEXO PA REKLAMA!

SHKARKO APP

App Store
Google Play

E papritur në Stamboll, Stroll merr pole position në mes të furtunës

14 Nëntor 2020, 19:30, Sport CNA

Lens Stroll ka dhuruar sot një surprizë të madhe, duke siguruar pole position për Çmimin e Madh të Turqisë në pistën e Stambollit në Formula 1. Furtuna ndryshoi plotësisht situatën pasi në pistë të lagur, Ferrari që dukej favorite, përfundoi shumë larg kreut, jashtë 10-shes së parë, ndërsa makinat Mercedes nuk ishin në gjendje të luftonin për dy vendet e para.

Hierarkitë e zakonshme u prishën nga një furtunë e cila solli ndërprerjen e kualifikeueseve në pjesën e parë të tyre dhe bëri që makinat të detyroheshin të ndryshonin komplet përgatitjen për të regjistruar kohët më të shpejta. Nga kaosi u eliminuan shpejt Fetel e Leklerk që nuk shkuan dot në 10 të parët. Ndërsa Lens Stroll i çuditi të gjithë duke dhuruar kohën më të shpejtë me Resing Point, e cila siguroi edhe vendin e tretë me anë të Perez. Në mes tye gjendet Maks Verstapen, i cili konfirmohet një nga pilotët më interesantë të garave, ndërsa vendi i katert i shkoi Aleksander Albon me makinën tjetër Red Bull.

Vetëm vendi i gjashtë për Luis Hemilton, i kaluar edhe nga Reno e Daniel RIçardos. Por në garë pritet të ketë surpriza të tjera, pasi makinat mund të pësojnë ndryshime të tjera nëse kushtet meteorologjike do të jenë po aq të paqëndrueshme sa sot.





Lajmet e fundit nga