E fundit!

10:25 Aktualitet

Paketa e Maleve/ Rama u përgjigjet sharësve në rrjetet sociale

Kryeministri Edi Rama ka folur për Paketën e Maleve dhe ak...

“Vetëvrasje ndodhin në çdo vend të botës”/ Spahia i kthehet Ramës: Nuk i ka ndjesitë bazike humane

11 Nëntor 2020, 12:44, Aktualitet CNA

Ish-deputeti i Partisë Demokratike Bardh Spahia, ka reaguar pas deklaratave të kryeministrit Edi Rama se në të gjithë botën po ndodhin vetëvrasje të pacientëve me koronavirus.

Përmes një postimi në rrjetin social, Spahia shkruan se vetëvrasjet e pacientëve në spitalet tona Covid po ndodhin për shkak se qeveria ka dështuar me menaxhimin e situatës.

Ish deputeti demokrat tha më tej se me ligj, qeveria ka detyrimin t?ua garantojë falas trajtimin e një sëmundje infektive si Covid-19, por sipas tij Edi Rama nuk e bën këtë, sepse taksat që qytetarët paguajnë për shëndetësinë ua jep oligarkëve të koncesioneve e tenderave sekretë.

?NEKROLOGU EDI RAMA!!! Edhe kur më në fund e mori mundimin të flasë për rastet e vetëvrasjeve në spitalet Covid, e bën si nekrolog e jo si minimumi NJERI, me ndjeshmëri a empati! Nuk i ka ndjesitë bazike humane, e prandaj ka gërmuar vdekje dhe pacipësisht i përplasi në transmetim të drejtpërdrejtë TV!!! Mbresuese sesi sondazhet negative i kanë nxjerrë në pah në mënyrën më të turpshme hallin që e ka kapur nga humbja e karriges më 25 Prill.

Dhe vazhdon të mos ketë asnjë plan, asnjë strategji për përballimin e Covid, ndërsa numri i infektimeve dhe i viktimave është më i madh se raportimet ditore.

Vijon me të njëjtën metodë banale duke sharë e fyer si gangster rrugësh këdo që i përplas realitetin e kolapsit ku e ka futur sistemin shëndetësor.

Fyen këdo: gazetarë, politikanë, institucione, qytetarë, këdo që ia thotë hapur atë që provon cdo individ që ka patur eksperiencën e vështirë të infektimit me Covid. Duke filluar që tek kostoja prej 1 milionë e 500 mijë lekësh e trajtimit.

Me ligj, qeveria ka detyrimin t?ua garantojë falas trajtimin e një sëmundje infektive si Covid-19, por Edi Rama nuk e bën këtë, sepse taksat që qytetarët paguajnë për shëndetësinë ua jep oligarkëve të koncesioneve e tenderave sekretë.

E ka detyrim ligjor t?ua rimbursojë trajtimin si në banesa, ashtu edhe në të gjitha strukturat shëndetësore, prej ditës së parë të shfaqjes së kësaj epidemie. Por hesht duke shkelur ligjin dhe braktisur qytetarët në ditët më të vështira, kur kostoja e kësaj papërgjegjëshmërie është vetë jeta e njeriut.

Ka vetëm hallin e karriges dhe coroditja mendore i ka dalë në pah, duke sharë e shkumëzuar ndaj gjithkujt, sepse sondazhet ia thonë realitetin: shqiptarët nuk e besojnë më dhe mezi po presin 25 Prillin për ta larguar?, shkruan Spahia. CNA.al/