web counter
LEXO PA REKLAMA!

SHKARKO APP

App Store
Google Play

E fundit!

x

Egbo merr një superlajm para ndeshjes me Teutën

8 Nëntor 2020, 12:01, Sport CNA

Tirana ka paguar gjobën dhe Idriz Batha së bashku me Agustin Torasën do të jenë të gatshëm për ndeshjen me Teutën ditën e sotme.

Klubi ka marrë vendimin të shlyejë me gjobë pjesën e mbetur të dënimit të dhënë nga Komisioni i Disiplinës për dy futbollistët, për shkak se atyre u kishte mbetur gjysma e dënimit dhe kishin të drejtë ta shlyenin me gjobë.

Dy lojtarët u dënuan në miqësoren me Laçin me 4 ndeshje pezullim, ku njëri (Torasa) shau kryesorin, ndërsa Batha u zu me një nga anësorët e ndeshjes. Kthimi i Bathës e Torasës, në fakt, sjell edhe një lëmsh në skuadër, sepse pas fitores me Kukësin, të gjithë e duan një vend në fushën e lojës.

Kthimi i kapitenit dhe Torasës do të spostojë disa lojtarë në stol dhe do të ridimensionojë ekipin bardheblu në 11-shen bazë. Mbetet për t?u parë se ku do të luajë Sasraku, Muçi dhe Torasa, ndërsa rrezikon stolin Giamfi, nëse Hoxhallari nuk spostohet majtas.

Për t?u parë edhe nëse do të kemi ndonjë lëvizje në krahun e majtë me Dansonë që mund të pushojë dhe në vend të tij të luajë Torasa ose Muçi. Gjithsesi, këto janë lëvizje që duhet të zbulohen në ditët në vazhdim, por Vrapi, Giamfi e të tjerë kanë treguar që janë zëvendësues të denjë për ekipin kampion të Shqipërisë.





Lajmet e fundit nga