Connect with Us

“Kryeministria mendohet të mbyllet për 15 ditë/ Situata nga Covid ka dalë jashtë kontrollit”

Politikë

“Kryeministria mendohet të mbyllet për 15 ditë/ Situata nga Covid ka dalë jashtë kontrollit”

Publikuar

-

“Kryeministria mendohet të mbyllet për 15 ditë/ Situata nga Covid ka dalë jashtë kontrollit”

Ish-deputeti i PD, Bardh Spahia ka bërë një deklaratë të fortë teksa shprehet se situata në kryeministri ka dalë jashtë kontrollit pasi sipas tij, i gjithë stafi i kryeministrisë është infektuar me COVID-19.

Ai thotë që ky institucion mendohet të mbyllet për 15 ditë, ndërsa shton se kjo gjendje ka ardhur si pasojë e keqmenaxhimit të situatës.

“SITUATA JASHTE KONTROLLIT, KRYEMINISTRIA MENDOHET TE MBYLLET PER 15 DITE
Edi Rama nuk kontrollon dot më përhapjen e Covid-19 as në institucionin që drejton, e jo më në vend.
Kryeministria mund të mbyllet për 15 ditë sepse të gjithë drejtuesit, përfshi sekretarin e përgjithshëm, stafi i Ramës, koordinatorë etj. denoncohet se janë infektuar nga Covid-19.

Situata është në rënie të lirë, sepse qeveria nuk ka marrë masa për të mbajtur nën kontroll virusin, për të shkëputur zinxhirin e infektimit e për tju përgjigjur qytetarëve të prekur në trajtimin e infeksionit.
Qeveria ka dështuar totalisht në menaxhimin e pandemisë sepse nuk po bën detyrën e vet, por vetëm luan rolin e xhandarit duke gjobitur qytetarët për mosmbajtjen e maskave. Njëlloj si muaj më parë, koha provoi se vetëm angazhimi qytetar nuk mjafton, por Edi Rama sërish nuk e merr seriozisht atë dhe po injoron situatën që vijon të rëndohet dhe tashmë ka dalë jashtë kontrollit!

LEXO EDHE:  Punonjësi infektohet me Covid-19/ Mbyllet Gjykata e Apelit në Vlorë

E pra mundësitë janë që shteti t’u përgjigjet qytetarëve si në aspektin mjekësor ashtu edhe ekonomik sic po veprohet në cdo vend të botës. Mjafton të pezullohen koncesionet korruptive, dhe të injektohen investime në shëndetësi, në spitalet në kryeqytet e ato rajonale e sidomos në tamponë, barna, rritje të kapaciteteve në stafet e specializuara, e subvencionimin e trajtimit anti covid në shtëpi për cdo qytetar të infektuar.
Mundësitë janë, por Edi Rama tashmë zgjedhjen e ka bërë: përfitimet e errëta për të janë më të rëndësishme se shëndeti dhe jeta e qytetarëve!
Me 25 prill do jetë radha e shqiptarëve të zgjedhin”, shkruan Spahia./CNA.al

Për të rejat më të fundit behuni pjesë e grupit tonë në facebook : City News Albania

Komentoni

Adresa juaj email nuk do të bëhet publike. Fushat e domosdoshme shënohen *

Politikë

Nikollë Lesi zbardh skenarin e errët të Bashës/ “Po planifikon arrestimin e Berishës”

Publikuar

-

Nga

Botuesi Nikollë Lesi ka analizuar situatën politike në vend dhe ka bërë parashikimin e radhës.

Më anë të një editoriali në gazetën “Koha Jonë”, Lesi  parashikon zgjatjen e pushtetit të Edi Ramës, shpëtimin e Lulzim Bashës nga Sali Berisha, arrestimin e këtij të fundit dhe shkrirjen e PD-së.

Lesi është ndalur tek Foltorja e Berishës që ka ngritur peshë zemrat e demokratëve, që sipas tij janë të lodhur dhe të dërrmuar nga humbjet Berishës dhe reagimet e Bashës, i cili thotë se “Unë nuk jam nga ata që shfrytëzoj momente të tilla për të bërë garë se kush e ka autokolonën më të gjatë e kush i mbush sallat më shumë”.

Lesi shkon më tej, ndërsa shkruan se Basha po shfrytëzon të gjitha njohjet për arrestimin e Berishës.

“Lulzim Basha po luan ndryshe, pa shumë zhurmë dhe siç e njoftoi përjashtimin e Berishës  pa lajmëruar njeri në PD, dhe një ditë para, ka mundësi të veprojë edhe në skenarin që po luhet për të arrestuar ish-kryeministrin Berisha.

Burime shumë të besueshme tregojnë se SPAK po nxiton në dosjen e ish-kryeministrit Berisha, pasi janë dërguar me urgjencë shumë dokumenta nga kryeministria dhe nga ministritë e ndryshme për të gjetur fakte komprementuese ndaj Sali Berishës”, shkruan Lesi.

Shkrimi i plotë:

Konflikti mes Berishës dhe Bashës po nxjerr përditë ngjarje e fakte të reja për marrëdhëniet e tyre si dhe publiku po bëhet më i qartë se kush mbetet i pabesi në këtë rast.

Nga Dibra, dje, Berisha e sakatoi Lulzim Bashën edhe me argumenta, edhe me ironi, por kryesisht me elektorat. Rrugët e Dibrës ishin plot demokratë që priten ish-liderin e tyre, sikurse salla e tejmbushur tregoi se sa ishin të zjarrtë mbështetësit e Berishës.

Thirrjet e sallës që i drejtoheshin Sali Berishës se nuk ke nevojë për firma delegatësh, pasi ke krejt PD-në, por na udhëhiq drejt kryeministrisë që të fillojmë protestë ditë-natë deri në rrëzimin e kryeministrit Rama, pra kjo tregon se demokratët e thjeshtë, të lodhur nga varfëria dhe nga humbjet e njëpasnjëshme të kryetarit Basha në disa zgjedhje, nuk durojnë më, por duan përballje me regjimin.

Ndërkohë sot doli Lulzim Basha dhe përçmoi Berishën, bile e ironizoi kur tha se ““Kam dalë më shumë se çdo kryetar i PD në këtë 30 vite e do dal përsëri. Unë nuk jam nga ata që shfrytëzoj momente të tilla për të bërë garë se kush e ka autokolonën më të gjatë e kush i mbush sallat më shumë, se e di që ajo është një garë e lehtë për mua. Inatçorëve iu them se rruga pa krye ku janë futur dhe abuzimit që i bëjnë do iu vijë me faturën që s’ua kam dhënë këto tetë vite”, u shpreh Basha.

LEXO EDHE:  Britania nuk gjen paqe/ Rreth 500 të vdekur në 24 orë

LEXO EDHE:  Hapja e spitalit Covid 3/ Erion Dasho ngre shqetësimin: Mos është ky një tjetër eksperiment?



Me tej Lulzim Basha shtoi se atë e mbështesin 95 përqind e demokratëve, kurse Berisha është në minorancë.

Si të mos mjaftonte kjo mënjëherë reagoi Edi Paloka, që është kryetar i Këshillit Kombëtar të PD-së. Ai shkroi në facebook:

“Lul!

Nëse ke bindjen se 95% e demokratëve të mbështesin, atëherë na e hiq këtë siklet ku na ke futur të gjithëve. Mos jep dorëheqje, nëse ke bindjen që ke vepruar drejtë dhe për këtë ke mbështetjen e 95% të demokratëve, kërko votëbesimin e tyre dhe ndale përçarjen që po thellohet çdo ditë e më shumë prej vendimit tënd personal të 9 shtatorit-tha ndër të tjera Paloka.

Por Lulzim Basha po luan ndryshe, pa shumë zhurmë dhe siç e njoftoi përjashtimin e Berishës  pa lajmëruar njeri në PD, dhe një ditë para, ka mundësi të veprojë edhe në skenarin që po luhet për të arrestuar ish-kryeministrin Berisha.

Burime shumë të besueshme tregojnë se SPAK po nxiton në dosjen e ish-kryeministrit Berisha, pasi janë dërguar me urgjencë shumë dokumenta nga kryeministria dhe nga ministritë e ndryshme për të gjetur fakte komprementuese ndaj Sali Berishës.

Natyrisht që cdo politikan apo zyrtarë i lartë duhet hetuar apo nxjerrë para drejtësisë nëse ka shkelur ligjet e vendit apo ka futur dorën në buxhetin e shtetit. E në këtë rast Sali Berisha e di vetë se cfarë ka firmosur dhe duhet të përgjigjet nëse SPAK ia verteton shkeljet. Por nxitimi nga segmente të drejtësisë apo qeverisë për ta arrestuar duket se con ujë në mullirin e Lulzim Bashës, e indirekt te kryeministri Edi Rama.

Ndaj Lulzim Basha rri me njerin sy nga SPAK dhe tjetrin nga rruga e Elbasanit që të shpëtojë vulën e PD-së.

Nëse arrestohet Sali Berisha, shpëton Lulzim Basha! Por PD-ja shkrihet ose mbetet gjithë jetën në opozitë. Dhe po kaq gjatë do kemi majë pushtetit Edi Ramën./CNA.al

LEXO TE PLOTE

Politikë

Zbulohet axhenda e Berishës/ “Foltorja” nuk ndalet, qytetet që do presin ish-kryeministrin 

Publikuar

-

Nga

cna news, cna lajme, lajme cna, lajme flash cna, cna.al, cna lajme politike,

Ish-kryeministri Sali Berisha nesër do të mbajë nesër “Foltoren” e radhës me demokratët. Takimi do të mbahet në orën 17:00, në Pallatin e Kulturës, në Berat.

Ndërkohë, pas Beratit pritet që takimi i radhës të mbahet në Lezhë, duke mbyllur kështu turin në 12 qarqe.

Por, burime për CNA.al bëjnë të ditur se “Foltorja” do të vazhdojë edhe në disa bashki të tjera.

Kjo pas kërkesës se qindra e mijëra demokratëve për të folur hapur me liderin historik të PD për problemet që ata kanë me lidershipin aktual dhe kërkesën për largimin me çdo kusht të Lulzim Bashës.

Pas Beratit, “Foltorja”, pritet të shkojë në Lezhë, në Lushnje, Kamëz, Kavajë, etj.

LEXO EDHE:  Rritja e numrit të të infektuarve/ Rakacolli flet për masat e reja: Gjithçka varet nga rastet javore

LEXO EDHE:  Hapja e spitalit Covid 3/ Erion Dasho ngre shqetësimin: Mos është ky një tjetër eksperiment?



Kujtojmë këtu se deri tani Berisha ka zhvilluar 10 takime me demokratët, në 10 qarqe. Fillimisht në Tiranë, më pas në Fier, në Vlorë, në Durrës, në Elbasan, në Gjirokastër, Shkodër, Korçë, Kukës dhe Dibër. Ndërsa nesër do të ndalet në Berat.

“Foltorja” e Berishës me demokratët ka si qëllim bashkimin e së djathtës dhe hapjen e PD-së për ta kthyer atë në një forcë politike më demokratike, më të fortë dhe për ta bërë atë sërish një parti fituese./CNA.al

“Uragani” Berisha nesër në Berat/ Mesazhi për demokratët

LEXO TE PLOTE

Politikë

Video/ Ben Blushi akuza Lindita Nikollës: Je injorante

Publikuar

-

Nga

Ish-politikani Ben Blushi, aktualisht drejtor i Top Channel, ka një raport me kryeministrin Edi Rama, “mes dashurisë dhe urrejtjes”.

Mesa duket Rama dhe Blushi, “urrehen” kur ua do puna, por ama edhe “dashurohen” shumë kur iu leverdis.

Por, edhe me ish-ministrat e Ramës ndodh e njëjta situatë. Ben Blushi në vitin 2017, kur ishte në periudhën e “urrejtjes” ndaj Ramës, duket se “urrente” edhe ministrat e tij. I tillë ishte rasti me ministren e Arsimit, në atë kohë Lindita Nikolla.

Në një seancë plenare në mars të vitit 2017, Ben Blushi ka pasur një debat dhe përplasje të fortë me Lindita Nikollën, e cila në atë kohë ishte ministre e Arsimit.

Nga foltorja e Kuvendit, Blushi e akuzoi Nikollën se ka marrë para për punësime, dhe për më tepër i është drejtuar edhe me fjalët “injorante”.

Në këtë parlament dhe këtë vend ka pasur qindra ministra, një prej të cilëve je ti zonjë.

Do mbahen mend për shumë gjëra, por askush nuk do mbahet mend se ka pasur një bodiguard që e çonte dhe merrte 3 mijë euro për një vend pune. Bodiguardi jot është arrestuar zonjë. Sepse e ke çuar ti të marrë 3 mijë euro për një vend pune. Ti e shkatërrove arsimin, jo sepse ti nuk kupton, jo se ai që të ka vënë ty aty nuk kupton, por se ti je injorante totalisht”-i është drejtuar Ben Blushi, Lindita Nikollës, në mars 2017.

LEXO EDHE:  Situata nga Covid/ Basha nuk i ndahet Ramës: Nuk mori asnjë masë për valën e dytë

LEXO EDHE:  Situata nga Covid/ Basha nuk i ndahet Ramës: Nuk mori asnjë masë për valën e dytë

Por, mesa duket tashmë, Ben Blushi e ka “dredhur” sërish.



Kur Lindita Nikolla u emërua në krye të Kuvendit, në Top Channel që drejtohet nga Ben Blushi, nuk e pamë më këtë akuzë.

Tani në media ka një armë më të madhe, për të thënë të vërtetën. Se nga një foltore ku hyri si politikan socialist e Rilindas dhe doli me shqelma si sharës i qeverisë së Rilindjes, ndërsa sot ju mban iso nga ekrani që drejton./CNA.al

Noterja në skandal/ Zbulohen katër bizneset e bashkëshortes së Ben Blushit

Video-Akuzat e Ben Blushit/ “Rama ndan lekët e shqiptarëve me shokët e krimit”

LEXO TE PLOTE