E fundit!

09:27 Kronika

E rëndë në Korçë, 66-vjeçari i jep fund jetës

Rreth orës 08:40, në lagjen nr. 10, Korçë, një automjet ti...

“Ndoshta do më shani sot”/ Skënder Brataj tregon shifrat alarmante: Është trefishuar numri…

5 Nëntor 2020, 22:05, Lifestyle CNA

?Ditët e fundit është trefishuar numri i thirrjeve për ndihmë mjekësore drejt 127, po ashtu numri i vizitave në banesë për të sëmurë me Covid-19.? Kështu shprehet Shefi i Urgjencës Kombëtare, Skënder Brataj përmes një postimi në rrjetet sociale .

Ai bën thirrje që të gjithë të respektojnë rregullat për mbrojtjen nga koronavirusit duke treguar shifrat alarmante.

Kjo tregohet fare mirë dhe nga rastet që janë raportuar cdo ditë nga Ministria e Shëndetësisë, e cila në përditësimin e sotëm tha se janë shënuar 421 raste të reja dhe 7 viktima nga Covid. Për këtë, Skënder Brataj thekson se është rritur numri i pacientëve në spitale dhe i vë theksin respektimit të masave për të ndaluar pasojat që mund të vuajnë të gjithë për një kohë të gjatë.

“Masat në këtë moment, nuk po respektohen mjaftueshëm! Është thënë disa herë që do të vlerësohet efikasiteti i tyre herë pas here. Tani po përballemi me efektin e hapjes së shkollave!

Ditët e fundit është trefishuar numri i thirrjeve për ndihmë mjekësore drejt 127, po ashtu numri i vizitave në banesë për të sëmurë me Covid-19.

Është rritur numri i pacientëve drejt spitaleve!

Manifestimet pa maska të ditëve të fundit, takimet zgjedhore pa respektim të distancimit fizik, janë burim i sigurt i shpërndarjes së infeksionit. Rritja në vazhdim e numrit të të infektuarëve në ditët e fundit është rezultat i hapjes së shkollave, mos respektimit të masave të tjera, qëndrimi në lokale pa maska ku nuk ruhet distancimi fizik!

Respektimi i masave është shumë i domosdoshëm në këtë moment të pandemisë! Vetëm institucionet nuk mund t?ja dalin pa ndihmën e qytetarëve, pa bashkëpunimin tuaj!

Kujdes! Virusi nuk njeh kthim mbrapa. Ai dëmton, ai nuk mban radhë, ai nuk njeh moshë, ai merr jetë, ai jeton vetëm në qelizat humane, ai jeton vetëm në trupin tonë. Ndalojeni të hyjë në trupin tuaj, respektoni rregullat e higjenës, ruani distancimin fizik, mbani maskën në të gjitha ambientet!

Ndoshta shumë njerëz nuk e mendojnë si e mendoj unë, ndoshta nuk janë dakort me masat, por detyra ime është të informoj qytetarët, është të shpëtoj jetën e njerëzve!

Ndoshta do më shani sot! Nuk ka rëndësi. Shëndeti juaj është i pari, shëndeti i shqipëtarëve është i pari. E rëndësishme është të veprohet tani, sot, menjëherë! Përndryshe pasojat do ti vuajmë të gjithë dhe për një kohë të gjatë! Ruani veten, ruani familjen, ruani shoqërinë, ruani jetën! Vetëm së bashku mund t?ja dalim!”/CNA.al