Lacio rrezikon përjashtimin nga kampionati, kush është mjeku që "mori në qafë" skuadrën e kaltër

5 Nëntor 2020, 10:28, Sport CNA

Pozitivitet me dy fytyra? Është ky paradoksi me të cilin duhet të përballet skuadra e Lacios, për Ligën e Kampioneve, ndonëse fakti që edhe Federata Italiane e Futbollit ka hapur një hetim ka shkaktuar jo pak zhurmë në radhët e të kaltërve. Dhe në vitrinë janë rreziqet e Thomas Strakoshës, Çiro Imobiles dhe Lukas Leivës.

Këta tre lojtarë dje nuk ishin të grumbulluar për ndeshjen me Zenitin, sepse, me sa duket, UEFA nuk i quan të shëruar plotësisht. Këtë ka konfirmuar laboratori ?Syn-Lab?, ai që ka marrë përgjegjësinë për kryerjen dhe vlerësimin e të gjithë tamponëve të lojtarëve dhe klubeve që janë pjesëmarrës në Ligën e Kampioneve dhe Ligën e Europës.

Po kush është mjeku i Lacios që vuri në rrezik klubin me tamponët? Ai është Ivo Pulcini, i cili ka shprehur në mënyrë të përsëritur teorinë e tij në lidhje me Koronavirusin, duke e cilësuar standartin e UEFA-s dhe Serisë A, si absurditet.

?Konsiderimi i të gjithëve atyre që rezultojnë pozitivë si të sëmurë, është një ekzagjerim. Të jesh pozitiv nuk do të thotë se je i sëmurë mund t?ia transmetosh virusin dikujt tjetër. Nëse nuk ke simptoma dhe je sportist, do të të kontrolloj dhe do të dërgoj të luash. Për mua asimptomatiku nuk është i sëmurë.

Unë kam qenë gjithmonë kundër karantinës. Nuk dua të banalizoj, apo mos respektoj njerëzit që kanë humbur jetën, por mjekësia nuk është një shkencë. Mjekësia është art, sepse 2+2 nuk barazohet gjithmonë me 4. Në këtë periudhë virusi ka ndryshuar 33 herë duke ulur agresivitetin e tij dhe për këtë arsye na bën më pak të frikësuar. Për mendimin tim, Koronavirusi po vdesë?, u shpreh drejtori mjekësor i klubit të Lacios, Ivo Pulcini.

Çfarë rrezikohet- Gjithsesi, në Itali ka disa indicie se ndoshta Lacio, dhe jo vetëm me Strakoshën, Imobilen e Leivën, nuk i ka respektuar siç duhet protokollet për pozitivët, por edhe vlerësimi i tamponëve ndoshta nuk ka qenë ai i duhuri. Hetimi i nisur, nëse konfirmon se diçka e tillë ka qenë e vërtetë, atëherë klubi roman, sipas nenit 8 të protokollit sportiv, rrezikon nga gjoba, te penalizimi me pikë në renditje, në zbritjen një kategori më poshtë e deri te përjashtimi i menjëhershëm nga kampionati që po luhet.

Kjo, si rrjedhojë e faktit që Lacio ka injoruar vlerësimin e rrezikut të shëndetit të futbollistëve të saj, të stafit teknik, të punonjësve të klubit e deri tek arbitrat, për të mos shtyrë zhvillimin e një ndeshjeje apo të një kompeticioni të caktuar. Me pak fjalë, në kryeqytet një mjegull e errët po qëndron pezull?