web counter
LEXO PA REKLAMA!

SHKARKO APP

App Store
Google Play

E fundit!

x

Rama turqizon Shqipërinë/ Kampusi i Universitetit të Tiranës vishet me simbolet turke

29 Tetor 2020, 18:13, Aktualitet CNA

Kryeministri Edi Rama nuk i ka fshehur asnjëherë marrëdhëniet miqësore që ka me presidentin e Turqisë Recep Tayyip Erdogan.

Në këtë 97 vjetor të Republikës së Turqisë, Rama ka bërë një spektakël festiv në godinën e kampusit të Universitetit Shtetëror të Tiranës.

Godina e kampusit të universitetit është veshur me simbole të Turqisë, duke i uruar 97-vjetorin e shpalljes së Republikës.

Mbi godinën e kampusit janë shfaqur dy flamujt, ai i Turqisë dhe i Shqipërisë, të vendosur në një fushë të kuqe.

Ky gjest duket si një veprim i Ramës për t?i rënë në sy mikut të tij, pas mesazheve të koduara që i dha gjatë takimit me ministrin e Jashtëm grek Nikos Dendias për çështjen e detit.

Por duhet kujtuar se simbolet e flamurit tonë nuk janë shfaqur asnjëherë në godinat publike të Ankarasë. Mos vallë është ky një tjetër mesazh i koduar i kreut të qeverisë.

Ndërkohë, kujtojmë se shpallja zyrtare e Republikës Turke nga Ataturku u bë më 29 tetor të vitit 1923 kur u shpallën emri i kombit dhe statusi i saj si republikë.

Në një votim që u zhvillua më pas në Asamblenë e Madhe Kombëtare, Ataturku, me një votim unanim u zgjodh president i parë i Republikës së Turqisë. Që atëherë, Turqia çdo vit më 29 tetor feston Ditën e Republikës./ CNA.al





Lajmet e fundit nga