web counter
LEXO PA REKLAMA!

SHKARKO APP

App Store
Google Play

E fundit!

x

Ish-deputeti nxjerr zbuluar ISHP-në/ Gruaja doli pozitive me Covid, nuk e kontaktuan kurrë

22 Tetor 2020, 16:29, Politikë CNA

Ish-deputeti i PD, Endri Hasa ishte i ftuar pasditen e sotme në Fax Neës ku ka folur për situatën e koronavirusit në vendin tonë.

Sipas tij shifrat janë 10-fish më të larta se ato që raportohen çdo ditë nga Ministria e Shëndetësisë.

Ai tregoi dhe historinë e bashkëshortes së tij, e cila doli pozitive me Covid nga testi që kreu në një spital privat, por nuk u kontaktua asnjëherë nga ISHP si person i prekur.

?302 rastet janë inekzistente, 10-fish ka. Rastet janë minimalja. Po fusin këto ditë dhe testet që po bëhen në privatë. Ka njerëz që nuk i bëhen kurrë teste. Jam një ndër ato njerëzit që e kanë kaluar Covidin, i di edhe sikletet. E kam kaluar familjarisht. Kostot për Covidin janë të tmerrshme. Njerëzit në nevojë i kanë të papërballueshme. Mua mu dha mundësia të bëja testin për familjen në strukturë private kur kishte dyshime se kishim pasur kontakte. Fatmirësisht e kaluam, po ata që nuk kanë mundësi!

Shqiptarët po tentojnë të shërohen vetë. Ju garantoj unë. Kam pasur bashkëshorten time, doli asimptomatike, doli me Covid me test të bërë në institut privat, nuk u kontaktua kurrë nga ISHP. Testi i saj nuk u bë kurrë në ISHP. Teorikisht testet shkojnë atje, ku ngel? Ngel tek përgjegjshmëria e secilit që të izolohet dhe të djegë procedurat. Shumë njerëz nuk i paguajnë dot faturat e ilaçeve dhe ky është fakt?, tha Hasa./CNA.al





Lajmet e fundit nga