web counter
LEXO PA REKLAMA!

SHKARKO APP

App Store
Google Play

E fundit!

x

Incidenti në Landfillin e Sharrës/ Zhupa: Rama e Veliaj po fshehin pronarët e inceneratorëve, nuk do na ndalin

18 Tetor 2020, 20:32, Politikë CNA

Zëdhënësja e Partisë Demokratike, Ina Zhupa, ka reaguar pas përplasjes me punonjësit e Landfillit të Sharës, të cilët nuk e lejuan atë dhe demokratin Belind Këlliçi, të bënin një kronikë për plehrat.

Zhupa tregon se pas këtij veprimi, ajo dhe Këlliçi ngritën një allëzim penal, ndërsa thotë se kjo ngjarje duket si një inskemin i drejtuar nga kryeministri Edi Rama dhe kryebashkiaku i Tiranës Erjon Veliaj.

Demokratja ngre akuzat se Rama dhe Veliaj po mundohen me çdo kusht të fshihet e vërteta për të kuptuar se kush janë pronarët e këtyre inceneratorëve.

Ajo paralajmëron se qytetarët shqiptarë dhe të Tiranës do të informohen ditë pas dite me fakte dhe dokumenta pa u stepur, pa u trembur nga asnjë presion.

?Bashkë me Belind Këlliçi denoncuam sot pasdite në drejtorinë e policisë Tiranë dhe në Komisariatin 6 Kombinat,  agresionin për të cilën ju u vutë në dijeni që ka ndodhur mëngjesin e sotëm përpara ?Landfillit të Sharrës?. Ne kemi marrë përsipër të transmetojmë fakte, pamje dhe ngjarje reale që lidhen me ?Landfillin e Sharrës? dhe inceneratorin e Tiranës gjë për të cilën shumë media në Tiranë nuk marrin përsipër të informojnë publikun, por tjetërsojnë të vërtetën.

Me sa duket inskenimi i sotëm me agresion ndaj opozitës ishte i drejtuar nga Edi Rama dhe Erjon Veliaj. Rama dhe Veliaj mundohen me çdo kusht të fshihet e vërteta ndaj qytetarëve të Tiranës për të kuptuar se kush janë pronarët e këtyre inceneratorëve. Për të kuptuar se ku shkojnë taksat, milionat, eurot që merren nga taksat e qytetarëve për pronarë ?noname? që nuk dihet se ku janë në parajsa fiskale.

Edi Rama dhe Erjon Veliaj mesa duket kanë frikë nga e vërteta që fshihet prapa këtyre inceneratorëve dhe bëjnë shumë mirë që kanë frikë sepse në mos sot, nesër, ata do të hetohen dhe do të marrin dënimin e merituar për shpërdorimin e 75 milionë eurove deri tani që ia japin pronarëve pa emër në parajsat fiskale sepse drejtësia shqiptare do të duhet t?i hetojë, në mos sot, nesër, të gjithë këtë aferë korruptive që ka përfshirë kupolën drejtuese të shtetit shqiptar dhe të Bashkisë Tiranë.

Qytetarët shqiptarë dhe të Tiranës do të informohen ditë pas dite me fakte dhe dokumenta pa u stepur, pa u trembur nga asnjë presion nga përfaqësuesit zyrtar të opozitës shqiptare. Ne do t?i qëndrojmë kauzës deri në fund për të informuar publikun mbi të vërtetat se ku shkojnë taksat e tyre?, shkruan Zhupa në rrjetet sociale./ CNA.al





Lajmet e fundit nga