web counter
LEXO PA REKLAMA!

SHKARKO APP

App Store
Google Play

E fundit!

x

Afera 400 milionë euro e inceneratorëve/ Dy pyetjet që “kryqëzojnë” Edi Ramën

17 Tetor 2020, 09:39, Politikë CNA

Partia Demokratike vijon të hedhë akuza të forta në drejtim të kryeministrit Edi Rama në lidhje me koncesionin e inceneratorëve në Shqipëri.

Ish-deputeti I PD-së, Agron Shehaj I ka drejtuar dy pyetje sot kryeministrit, për të cilat thotë se duhet të përgjigjet para shqiptarëve.

“Edi Rama nuk i jep përgjigje një pyetje të thjeshtë: kush janë pronarët e kompanisë së koncesionit të inceneratorit të Tiranës? Kujt do t?i shkojë të paktën 128 milionë euro nga taksat tona?”-shkruan Shehaj.

Shehaj ngre disa çështje, që kërkojnë përgjigje për aferën e madhe të inceneratorëve prej 400 milionë eurosh.

“A ka kryeministër në botë që nënshkruan kontratë me dikë që nuk e njeh? Që i jep qindra milionë euro pa e ditur se kujt ja jep? Nuk ka, – gjykon Shehaj. –  As Edi Rama nuk është i tillë: ai e di se kush qendron pas inceneratorit të Tiranës.

Fakti që nuk e thotë dot publikisht emrin e përfituesit ndërkohë që e mbron koncesionin, ka vetëm një shpjegim të arsyeshëm: vetë Rama mund të jetë përfituesi i kësaj kontrate qindra milionë eurosh.

Ju kujtohet tenderi i Unazës së Re?! Është e njëjta vjedhje! Afera e inceneritorit te Tiranës është si skandali i DH Albania.

Rama fsheh pas kompanise guackë, emrin e përfituesve,” thekson Agron Shehaj. / CNA.al





Lajmet e fundit nga