web counter
LEXO PA REKLAMA!

SHKARKO APP

App Store
Google Play

Vrasja e dy të rinjve në Malësinë e Madhe/ Gazetari jep alarmin: Ngjarja mund të përshkallëzohet

9 Tetor 2020, 07:26, Kronika CNA

Dy të rinjtë, që nuk gjendeshin prej tre tetorit në Malësinë e Madhe, u zbuluan ditën e djeshme jo shumë larg një mini-parcele kanabisi.

Vilson Çutaj dhe Klement Pepaj u gjetën të pajetë, ndërsa trupat e tyre kishin nisur që të dekompozoheshin. Autori i ngjarjes dyshohet që të jetë Danjel Pepaj, i cili është ende ne arrati.

Duke dhënë më shumë detaje për ngjarjen, gazetari Simon Shkreli, u shpreh për ?Abc-ja e Mëngjesit? se ka shumë pak gjasa që kjo ngjarje të mos marrë përmasa akoma më të mëdha, duke nënkuptuar gjakmarrjen.

Shkreli shpjegon se mund të jetë shumë e vështirë arritja e një ?pajtimi? të mundshëm pasi ngjarja ka ndodhur mes një fisi.

Sipas tij, babai i Danjelit me Klementin janë kushërinj shumë të afërt, kurse Vilsoni babain e Klementit e ka nip, pra është nip i shtëpisë.

Veç kësaj, në mes të kësaj ngjarjeje qëndron edhe kanabisi, dhe shton gazetari, njerëzit që merren me pajtime mund ta kenë të vështirë që të arrijnë vendosjen e ?paqes?.

Shkak i konfliktit mes të rinjve ishte zhdukja e një sasie prej 50 kg kanabis, për të cilën Klement Pepaj dhe Vilson Çutaj, akuzuan Danjel Pepajn, i cili i ekzekutoi me kallashnikov rreth 250 metra larg parcelës me kanabis.





Lajmet e fundit nga