E fundit!

19:19 Kosova & Bota

I nxehti ekstrem në Greqi/ Qeveria urdhëron pezullim të detyrueshëm të punës për 4 orë në disa sektorë

Greqia ka ndërmarrë disa masa emergjente për mbrojtjen e p...

Ralf Gjoni proteston kundër Varhelyit në Kuvend/ “Shqipëria nuk është Bashkimi Sovjetik”

7 Tetor 2020, 15:00, Politikë CNA

Deputeti Ralf Gjoni, ka protestuar për vizitën e komisionerit të BE-së për Fqinjësinë dhe Zgjerimin, Oliver Varhelyi.

Në shenjë proteste, Gjoni doli para foltores me një maskë kundër përhapjes së koronavirusit, ku shkruhej ?Shqipëria nuk është Bashkimi Sovjetik?.

Deputeti tha se do ishte më mirë që komisioneri të angazhohej edhe në një seancë të posacme bisedimi me deputetët e Kuvendit, siç e bën edhe në Parlamentin Europian.

?Do kisha preferuar që komisioneri të angazhohej edhe në një seancë të posacme bisedimi me deputetët e Kuvendit, sic e bën edhe në Parlamentin Europian. Nuk ndodhi dhe unë kam vendosur këtë maskë si shenjë proteste. Kanë mbaruar kohët kur Hrushovi vinte në Shqipëri dhe delet duartrokisnin për çdo hap që hidhte ai. Varhelyi ka thënë disa të pavërteta në raportin e fundit të Komisionit Europian dhe dua të përqëndrohem vetëm tek një. Ka thënë se janë bërë përpjekje të jashtëzakonshme për reformën zgjedhore në Shqipëri dhe lavdëroi 5 qershorin. Kjo është e pavërtetë do i thoja Varhelyit sot nëse do të ishte këtu sot. Janë bërë përpjekje të jashtëzakonshme për të luajtur me reformën zgjedhore dhe përpjekje për të ruajtur statuskuonë.

Varhelyi, ka ardhur koha që në Shqipëri të flasim si homologët tanë europianë dhe të flasim me zërin e së vërtetës dhe pa kompleks inferioriteti dhe t’i themi disa të vërteta në sy. Është komisioneri i zgjerimit dhe përfaqëson Viktor Orbanin, një nga liderët më autoritarë sot në BE, vendi i të cilit ka dalë me nota jashtëzakonisht negative nga raporti i fundit prej Komisionit për sundimin e ligjit në vendet e BE. Emërimi i Varhelyi është e njohur u përshëndet nga dy lider në rajon, Vucic dh Dodik, personi që vepron për hir të Moskës në Ballkan për të destabilizuar Bosnja Hercegovinën. Varheluyi duhet ta dijë se nuk i përket këtij klubi. Nuk ka vend për vlera subjektive, Putini në këtë vend. Varheluyi nuk duhet të kthehet në një autokrat Brukseli?, deklaroi ai./ CNA.al