E fundit!

17:17 Aktualitet

Konsultimet për ligjin antimafia/ Braho: Nëse zbatohet si duhet, nuk ka nevojë për rregullime

Kreu i Prokurorisë së Posaçme, Klodjan Braho ka marrë pjes...

“Turpi i Zotit”/ Grida Duma bën parashikimin për negociatat: Është fatkeqësi

7 Tetor 2020, 13:11, Politikë CNA

Ish-deputetja e PD-së, Grida Duma është shprehur mjaft skeptike, sa i takon procesit të integrimit të Shqipërisë në BE.

E ftuar në studion e News 24, Grida Duma tha se nuk mendon se do të happen negociatat për Shqipërinë, ndërsa shtoi se fatkeqësia është të ndaheshim nga treni I Maqedonisë së Veriut.

Ndërsa komentoi raport progresin progres-raportin e BE për Shqipërinë, Duma theksoi se është turp që kanë kaluar tashmë 7 vite dhe situata është keq e më keq.

?Është viti i 7-të i mos hapjes së negociatave, turp i Zotit! lajm i keq si gjithmonë. Kjo është plotësisht përtej palëve politike. Edhe për opozitën do të kishte qenë e domosdoshme të ecnim me hapa më të shpejta drejt integrimit. Unë e njoh procesin, shqiptarët nuk kanë besuar më shumë tek qeveria, por tek fakti apo dëshira se sa BE do ua hapë derën. Kanë besuar tek BE, Europa dhe jo qeveria. Progres raporti me gjetjet e veta është nga më të këqijtë të mundshëm. Ekziston frika e madhe që do shkëputemi nga Maqedonia e Veriut.

Për herë të parë në këtë progres raport përmendet zyra e kryeministrit ku thuhet se koordinimi mes kryeministrisë dhe ministrive duhet të jetë i një raporti tjetër, se nuk ka koordinim. Shkatërrimi i këtij vendi vjen se ministritë nuk kuptohen me njëri-tjetrin. Pra, projektet mbeten pezull, investimet pezull, sepse ministritë nuk ekzistojnë por vetëm zyra e kryeministrit. Ky vend, gjënë më të keqe që ka është të vazhdojë me kulturën e 1-t. Ky vend bëhet nga grupi i të aftëve jo nga 1-shi që të kënaq me batuta dhe rezultati në fund është zero.

Në raport thuhet ndër të tjera se administrata publike është në dorë të një ligji të copëzuar. Janë hequr mbi 800 veta me statusin e nëpunësit civil nga puna, vetëm në këtë vit. Pra, ka rrezik të paguajmë dy administrata paralelisht. Këtu jemi te situata që zyra e kryeministrit është kthyer në problem, pra nuk ekzistojnë ministritë e linjës, po marr si shembull bashkimin e ministrive si Shëndetësia që ka marrë një pjesë të ministrisë së Punës. Erdhën me 300 mijë vende pune premtim këta, po s?ka më ministri të Punës. Në administratë po shterojnë burimet njerëzore.?-tha Grida Duma.