LEXO PA REKLAMA!

SHKARKO APP

Detaje nga atentati mafioz/ Autorët ishin maskuar si policë

17 Shtator 2020, 06:49, Aktualitet CNA
Detaje nga atentati mafioz/ Autorët ishin maskuar si policë

50 vjeçari Bujar Çela është vrarë në orën 05.45 të mëngjesit të sotëm, sapo ka zbritur nga makina e tij për të pirë një kafe.

Sipas informacioneve paraprake dyshohet se 4 autorë kanë qenë të veshur si policë dhe kanë pritur gjatë gjithë kohës tek lokali.

Në momentin që ai ka dal nga makina, në drejtim të lokalit, autorët e kanë qëlluar të gjithë njëkohësisht.

Sipas policisë dyshohet se atentatorët kanë përdorur armë zjarri pistoletë dhe se viktima është qëlluar nga vrasës profesionistë, të cilët janë siguruar që Çela të mos kishte asnjë mundësi reagimi.

Në vendngjarje ka shkuar menjëherë Policia e Elbasanit por dhe Forcat Speciale RENEA e FNSH nga Tirana që kanë nisur krehjen e zonës për kapjen e autorëve. Pak minuta pas kërkimeve, në fshatin Murrash, njësia administrative Papër, është gjetur një mjet tip Renault me targa AA 876 DC, tërësisht i djegur, i cili dyshohet se është i autorëve.

Policia ka sekuestruar dhe pamjet e kamerave të zonës, për të zbuluar më tepër lidhur me detajet e ngjarjes dhe gjithashtu edhe për të arrestuar autorët. Për këtë arsye në hyrje dhe dalje të qytetit të Elbasanit janë ngritur pika kontrolli.

 

Lajmet e fundit nga