E fundit!

18:15 Politikë

“Prej vitesh me charter për transport parash”/ Nënkryetari i PD-së: Rama e ndan Shqipërinë si plaçkë private

Nënkryetari i Partisë Demokratike, Belind Këlliçi, u ndal ...

“Këmbimi valutor i një dosjeje të mbyllur”/ Gjata: Çfarë fshihet pas emërimit të drejtoreshës së një shkolle

13 Shtator 2020, 11:28, Politikë CNA

Sekretari për çështjet ligjore të PD-së, Çlirim Gjata thotë se Rilindja e Ramës është një sistem që ngrihet mbi bankën e favoreve për çdo dosje të mbyllur në sistemin e drejtësisë.

Sipas Gjatës, ekzistencën e bankës së favoreve e shpjegon më së miri emërimi në pozicionin e drejtoreshës në shkollën ? Alush Grepca? të zonjës Enduela Sina.

Mes të tjerash Gjata thekson se këmbimi valutor i një dosjeje të mbyllur duket se është një pozicion drejtues në rastin konkret. Ai nënvizon se drejtësia pa forcë është jofunksionale dhe forca pa drejtësi është tirani.

?Banka e favoreve të Rilindjes së Ramës për dosjet e mbyllura. Rilindja e Ramës është një sistem që ngrihet mbi bankën e favoreve për çdo dosje të mbyllur në sistemin e drejtësisë. Një dosje e mbyllur nënkupton një histori të mbyllur që nuk ka as gjykim dhe as të dënuar. Si çdo gjë në jetë edhe dosjet e mbyllura kanë faturën përkatëse e cila paguhet nga banka e favoreve të Rilindjes në Shqipëri. Një tip burse në tregun qeveritar, më jep të jap.
Ekzistencën e bankës së favoreve e shpjegon më së miri emërimi në pozicionin e drejtoreshës në shkollën ? Alush Grepca? të zonjës Enduela Sina.

Por kush është Anduela Sina dhe ç?dosje e mbyllur provokoi emërimin e saj?

Majlinda Bufi është kryetare e bashkisë në Roskovec. Arbër Bufi, nipi i saj, por njëkohësisht edhe shoferi i saj, u kap disa ditë më parë me drogë në makinën që përdorej zyrtarisht për të kryer detyrën e tij, si shofer pranë bashkisë.
Pika fillestare e fajit që vihet re në këtë histori është nepotizmi, pra punësimi i të afërmve në poste shtetërore.
Megjithatë, të flasësh apo të gjykosh nepotizmin në këtë rast është një luks i tepruar, pasi kemi të bëjmë në vetë të parë me një sistem trafikantësh që orienton sistemin e drejtësisë në këtë vend. Pasi shoferi dhe nipi i Majlinda Bufit, kapet me drogë pra, dosja e tij dorëzohet në Prokurori. Prokurori Ndriçim Sina e mbyll dosjen dhe pas mbylljes së dosjes mbesa e tij, Enduela Sina emërohet drejtoreshë shkolle.Këmbimi valutor i një dosjeje të mbyllur duket se është një pozicion drejtues në rastin konkret. Bursa e Ëall Street do ja kishte zili Ramistëve tanë rilindas.

Kryeministri nuk ka ndërmarrë asnjë hap për pezullimin e Kryetares së Bashkisë në Roskovec.
Trafiku i drogës është refreni i qeverisjes dhe shtylla kryesore e këtij të fundit. Po drejtësia ku është?? Ose më mirë të themi reforma në drejtësi ku ndodhet? ? pyet morali në mërgim. Drejtësia pa forcë është jofunksionale dhe forca pa drejtësi është tirani?, shkruan Gjata./CNA.al