E fundit!

18:12 Aktualitet

Zjarr në unazën jugore të Elbasanit/ Shpërthime gjatë operacionit për shuarjen e flakëve

Një zjarr ka përfshirë pasditen e sotme një sipërfaqe tokë...

Zgjedhjet/ Krasniqi zbërthen sondazhet: Fushata do të jetë e ashpër, disa kanë “shansin e fundit”

10 Shtator 2020, 19:05, Politikë CNA

Afrim Krasniqi, drejtor i Institutit të Studimeve Politike thotë se, fushata elektorale për zgjedhjet parlamentare të 25 prillit, do të jetë një nga më të ashprat. Sipas Krasniqit, kjo do të ndodhi për shkak se, sondazhet e fundit tregojnë se mazhoranca dhe opozita janë gati në nivele të barabarta së pari dhe së dyti për faktin se, disa nga aktorët politikë e kanë këtë proces zgjedhor si shansin e fundit në karrierën politike.

?Sondazhet tregojnë se diferenca mes palëve është minimale dhe historitë tregojnë se aq më e ashpër do të jetë lufta. Po qarkullojnë disa sondazhe me vështirësitë që kanë Shqipëri. Ne jemi pjesë e disa prej tyre, por jemi në informacion të rezultateve. Në thelb trendi është i njëjtë, palët ndodhen shumë afër njëra-tjetrës dhe kjo ka bërë që të maksimalizojnë retorikat dhe ta trajtojnë partinë si repart ushtarak?, tha Krasniqi.

?Do jetë një nga fushatat më të ashpra në ligjërimin politik. Do të ketë sulm, videon, incizime, akuza pa fund siç ndodhi në Malin e Zi. Të gjitha palët kanë interesa maksimale dhe shumica kanë shansin e fundit të jetës së tyre në politikë?, shtoi drejtuesi i ISP.

Krasniqi shprehur shqetësim për mungesën e masave ndëshkuese ndaj partive politike që do të përfshijnë elementë të kriminalizuar në fushatë. Ai e cilësoi si goditje të fortë për partitë letrën e ambasadores amerikane Yuri Kim ku theksonte se liderët do të mbajnë përgjegjësi nëse kjo do të ndodhi.

?Dekriminalizimi ka dhënë rezultat pozitive por nuk ka kryer rolin kryesor që të detyrojë partitë që të përzgjedhin individë me letra në rregull dhe të frenojë individët me probleme që të kenë ambicie të tillë, por përkundrazi këta individë kanë blerë media, janë në fushën e ndërtimit dhe fakti që ndihen kaq të rëndësishëm, tregon se dekriminalizimi mund të jetë një fiasko. Letra e SHBA ishte një goditje duke u thënë liderëve që do të mbani përgjegjësi. Përgjegjësisa shkon tek lideri dhe duhet gjetur një mekanizëm?, tha Krasniqi.

Sipas, Krasniqit faktikisht fushata ka nisur që me ndryshimet e Kushtetutës sepse ishin në funksion të fushatës dhe se tani partitë po mbyllin problemet e brendshme të tyre. Ai përmendi një fakt interesat në fjalën e mbajtur nga kreu i PS-së, Edi Rama gjatë takimit me grupin parlamentar në Elbasan, që tregon se listat e hapura janë demagogji dhe nuk pritet të sjellë rritje të cilësisë së përfaqësimit në Parlament.

?Rama u tha se asnjë prej jush nuk e ka vendin e sigurt në listë në vend që të thonte që më të mirët prej jush do të zgjidhen deputetë. Kjo do të thotë se lista e hapur ka qenë e gjitha një propagandë?, u shpreh drejtori i ISP-së në Euronews Albania.

Lidhur me deklaratën e bërë sot nga ambasadorja amerikane, Yuri Kim se ka ndërhyrje në institucionet e reja të drejtësisë, Krasniqi tha se, së pari këto institucione do të duhet të flasin për këtë fakt dhe nëse jo atëherë vetë ambasadorja do të duhet të distancohet në këtë proces pasi edhe ajo është palë.

?Në Shqipëri ka aktorë të interesuar që të mos ketë një avancim të reformës në drejtësi. Ne jemi një vend që e duam mesazhin e hapur, por përderisa na është premtuar një drejtësi e pavarur edhe ambasadorët duhet ë jenë të distancuar sa ç?janë aktorët e tjerë pasi deklarata mund të inditimidojë pozitivisht ose negativisht. Trupa gjyqësore duhet të flasë në momentin që thuhet se ka presion?, përfundoi Krasniqi.