web counter
LEXO PA REKLAMA!

SHKARKO APP

App Store
Google Play

Mesazhi i fortë i Hajdarit/ Njerëzit duan ndryshim, larg pazareve të vjetra

10 Shtator 2020, 10:35, Aktualitet CNA

Deputetja Rudina Hajdari disa ditë me parë ka njoftuar që tashmë është pjesë e Nismës Thurje, dhe ndërkohë ka nisur një tur takimesh ku fton këdo që t?i bashkohet e t?i shkruajë.

?Faleminderit për mbështetjen. Kam filluar këto ditë një tur takimesh në lagjet dhe fshatrat e Tiranës me qytetarë të thjeshtë, për të dëgjuar mendimet e tyre dhe ndarë idetë e projektit të ri politik.

Jam e mrekulluar nga niveli i lartë i mbështetjes që po gjej kudo por mbi të gjitha nga mendimet dhe idetë e pjekura që po marr nga të gjithë.

Qytetarët e thjeshtë i kanë idetë shumë më të qarta se shumica e klasës politike apo analistëve.

Ata duan ndryshim dhe e duan atë pa kompromise dhe larg pazareve të vjetra. Duan që fëmijët ti rrisin këtu e jo ti degdisin larg në dhé të huaj.? nenvizoi deputetja.

Ajo ka falenderuar personat që i janë bashkuar thirrjes së saj dhe shton se njerëzit tashmë duan një forcë politike që nuk operon si biznes privat i një familjeje por si një aset publik i kontrolluar nga qytetarët.

?Këto ditë kam marrë shumë energji, dhe duke i falenderuar ata 568 persona që janë regjistruar ftoj të gjithë ata që kanë dëshirë të flasin me ne dhe të na bashkohen të regjistrohen te rudinahajdari.al.

Ju premtoj se do ju takojmë të gjithëve pa përtuar duke ardhur aty ku banoni. Shqipëria i përket njerëzve punëtorë, të ndershëm e të palodhur e jo të pangopurve.

Le të vazhdojmë të bashkohemi! Më shkruaj?, tha Hajdari.





Lajmet e fundit nga