web counter
LEXO PA REKLAMA!

SHKARKO APP

App Store
Google Play

E fundit!

x

“PS do fitojë mandatin e tretë”/ Bushati: Nuk duhet pasur aspak frikë nga borxhi

8 Shtator 2020, 19:52, Politikë CNA

Deputeti i PS, Ervin Bushati, deklaroi se nuk ka asnjë diskutim që në zgjedhje, PS do të fitojë një mandat të tretë.

Bushati theksoi se PS ka bërë shumë punë në këto vite, ndërsa shtoi se vendi i parë është i rezervuar për forcën politike në pushtet.

?PS është organizata më e madhe në Shqipëri, si një familje me mbi 100 mijë anëtarë. Dominon jetën politike dhe pretendon për të qenë parti e parë. Ne nuk e kemi problemin që jemi parti e parë apo jo, por kemi si sfidë që të marrim një mandat të tretë me Partinë Socialiste. Ne duam që të marrim mandat të vetëm për të arritur shumë. Shqiptarët e kanë të qartë se gjithçka nuk arrihet me një mandate.Unë e di se është e vështirë që të kërkosh votën pas 2 mandatesh në qeverisje, por ne duam dhe do ia dalim të jemi forcë e parë. Ne po krijojmë shtet ligjor, ekonomi tregu. Kemi bërë shumë në këto vite. Kemi pasur një vit të vështirë, me pandemi dhe me tërmete, por ia kemi dalë. Ne kemi shumë për të treguar, por edhe për të bërë. Ka gjithmonë punë më shumë për të bërë. Kemi vërtetuar se kemi ekipin më të mirë, programin më të mirë, për të bërë Shqipërinë një vend më të mirë. Tirana është kryeqyteti i vendit dhe patjetër që të gjithë kanë sytë nga kryeqendra. Ne kemi investuar edhe në Tiranë, por me Rilindjen Urbane ne kemi investuar në Vlorë, në Korcë etj, duke u kthyer në vende atraktive?, tha Bushati në studion e News 24.

Më tej, Bushati tha se nën qeverisjen e PS-së, ekonomia ka ecur me hapa të shpejtë. Sipas tij, nuk duhet pasur aspak frikë nga borxhi, pasi ai do të shlyhet.

?Ekonomia shqiptare ka ecur shumë mirë. Shqipëria del në tregjet ndërkombëtare dhe ka marrë normat më të ulëta në histori. Të gjitha parametrat ekonomikë kanë qenë shumë të mirë. Patjetër që ka qenë një vit i vështirë për të gjithë botën edhe për ata që kanë krijuar tregun modern. Kjo ishte Lufta e Tretë Botërore për këtë brez, sepse efektet ekonomike kanë qenë të rënda. Shqipëria po vazhdon të qëndrojë bashkë si shtet e si shoqëri. Nuk duhet të kemi frikë nga borxhi, në të gjitha vendet e botës, sot borxhi po rritet. Shëndeti i ekonomisë ka shumë rëndësi. Çdo shtet po bën gjithçka që të mbajë shëndetëshëm ekonominë. Borxhi do të lahet, sepse arrihet me rritje ekonomike. Sot nuk duhet të kemi frikë nga borxhi. Pandemia shkaktoi probleme jo vetëm për ekonominë tonë?, tha ai./CNA.al





Lajmet e fundit nga