web counter
LEXO PA REKLAMA!

SHKARKO APP

App Store
Google Play

E fundit!

x

Sebino Plaku drejt akordit me Skënderbeut, ja pengesa e vetme

7 Shtator 2020, 07:01, Sport CNA

Ky është viti i parë pas konfirmimit të dënimit të Skënderbeut dhe në klubin korçar pritet të ketë ndryshime të mëdha. Financat nuk do të jenë të dikurshmet dhe presidenca do të jetë e detyruar të ulë harxhimet për të shmangur falimentin.

Bardhekuqtë nuk do të përfaqësohen më në Europë dhe do të përqëndrohen ta mbajnë ekipin me talente të rinj, të cilët do mundohen t?i shesin më pas.

Megjithatë, në Superiore duhen edhe lojtarë me eksperiencë dhe korçarët duan ta ndërthurin ekipin. Një synim i korçarëve në merkato është Sebino Plaku. Sulmuesi i Gjilanit do e donte një rikthim në Korçë, ku ka kaluar vitet më të lavdishme të karrierës, por edhe paga është një element i rëndësishëm.

Janë zhvilluar disa bisedime, por duket se është shumë e vështirë që Plaku të rikthehet te Skënderbeu. Harxhimet e shumta janë të pamundura dhe Plaku ka kërkesat e tij financiare. Drejtuesit nuk kanë mundur t?ia plotësojnë dhe bisedimet janë ndërprerë, duke mbyllur pa sukses tratativat për të afruar sulmuesin.





Lajmet e fundit nga