E fundit!

19:42 Aktualitet

52 ditë protestë kundër qeverisë/ Qytetarët marshojnë drejt Kryeministrisë

Në sheshin “Skënderbej” janë grumbulluar qytetarët për pro...

Debati për detin/ Ksenofon Krisafi: Çështja e ishujve që mbetet ende e pazgjidhur

7 Shtator 2020, 21:27, Aktualitet CNA

Eksperti i marrëdhënieve ndërkombëtare njëkohësisht edhe anëtar i grupit negociator me Greqinë për çështjen e kufirit detar, Ksenofon Krisafi thotë se politika duhet të qëndrojë larg kësaj çështje dhe çështja t?u lihet në dorë ekspertëve.

Për rihapjen e kësaj teme, profesori thotë se janë bërë dy çështje, situata e krijuar në Egje nga tensioni Turqi-Greqi si dhe deklarimi i kryeministrit grek për zgjerimin në detin Jon. Krisafi thekson se ka shumë spekulime mbi kufirin detar, por ai veçon dy çështje që janë mjaft të diskutuara dhe cilësoi vendimin e qeverisë greke si të nxituar.

?Për të caktuar gjerësinë e ujërave territoriale nuk mund ta realisht dot me një shpallej të thjeshtë me një nxjerrje ligji. Nuk më takon mua që të qortoj qeverinë e një shteti tjetër, por për sa kohë kanë filluar negociata dhe për sa kohë çështja për të cilën po flitet, do të ishte mirë që të pritej përfundimi i negociatave dhe më pas të bëhej deklarimi.

Midis ishullit të Korfuzit dhe Ksamilit është ishulli i Barketës apo Pleshtit. Kjo deri më tani ka përcaktuar kufirin mes Greqisë dhe Shqipërisë. Në negociatat e vitit 2009, pala jonë pranoi që ?Baketa? të ishte fundi i kufirit grek që është dhe shkelje e ligjit të detit. Përballë Himarës janë tre ishuj që krijojnë probleme për interesat e Shqipërisë pasi i dalin ballë përballë dhe vendet e tjera i zgjidhin me marrëveshje. Nuk do marrë 12 milje këtu, në mënyrë që interesat e të dy palëve të mbrohen saktësisht dhe drejtësisht nga kjo mënyrë veprimi?, deklaroi eksperti i marrëdhënieve ndërkombëtare.

Krisafi theksoi se, kjo mbetet ende një çështje e pazgjidhur dhe e pa trajtuar me palën greke pasi negociatat u ndërprenë për shkak të ndryshimit të qeverisë në Athinë, por ai i referohet marrëveshjes që Greqia dhe Italia kanë nënshkruar vetëm pak kohë më parë, ku ishujve nuk u është thënë efekti 100% për të pasur 12 milje ujëra territorialë.

Duke iu rikthyer marrëveshjes së vitit 2009, ku sipas profesorit Shqipëria humbte një hapësirë prej 354.4 km katror, ai thotë se ndikim ka pasur SHBA dhe Italia që ai pak të shkonte në Gjykatën Kushtetuese dhe të rrëzojë dhe nga ana tjetër e relativizon rolin e Turqisë, ndryshe nga se pretendohet. Ai bën thirrje që pjesë e grupit negociator të bëhen dhe përfaqësues të opozitës.

?Një pjesë e anëtarëve të delegacionit ishin dëshpëruar dhe deklaronin në ambasadën amerikane për shkeljen që po bëhej. Italia dhe SHBA kanë ndërhyrë, tani flitet dhe për Turqinë por që duhet marrë me rezervë. U tha se Turqia ka paguar anëtarët e Gjykatës Kushtetuese, por mendoj se është një mashtrim dhe gjyqtarët meritojnë vlerësim pasi kanë bërë një punë shumë të mirë në mbrojtje të interesave të vendit.

Politika duhet të qëndrojë mënjanë, që të ndikojë është gabim. Ka specialistë kaq të mirë Shqipëria, Kosova dhe në diaspora. Mund të marren këta që janë shumë mirë, madje edhe nga të opozitës dhe nuk ka kuptim që kur të ndërrohet pushteti të ketë sërish diskutime. Deti nuk është as i PS dhe as i PD, por i shqiptarëve. I takon më të mirëve dhe më të ndershmëve që të merren me detin?, përfundon Krisafi.