E fundit!

15:16 Aktualitet

Komunikimi me Ramën dhe kërcënimi nga Bajrat/ Koçeku flet për largimin nga Grupi i PS-së

Deputetja Marjana Koçeku ka folur ditën e sotme lidhur me ...

Helmimi i Navalny me Novichok/ Berisha: Cari, tentativë vrasje të rivalit

3 Shtator 2020, 16:00, Politikë CNA

Ish kryeministri Sali Berisha ka reaguar lidhur me helmimin me gaz nervor supertoksik Novichok të rivalit kryesor të presidentit rus Vladimir Putin, Alexei Navalny.

Sipas Berishës, ky krim i shëmtuar tregon fytyrën e vërtetë antidemokratike të Putin dhe regjimit të tij.

Berisha thekson se në konventat ndërkombëtare përdorimi i gazit nervor Novichok është i barabartë me përdorimin e armëve kimike dhe se ky gaz ruhet vetëm ne laboratore supersekrete të ushtrisë.

?Cari, tentative vrasje te rivalit!
Miq, dje kancelarja gjermane Anxhela Merkel njoftoi publikisht se Alexei Navalny, rivali kryesor i Vladimir Putinit qe po kurohet ne Berlin pasi ra papritmas ne gjendje komatoze ne avion ne Siberi, eshte i helmuar me gaz nervor supertoksik Novichok.
Ky krim i shemtuar tregon fytyren e vertet antidemokratike te Carit te Rusise, Putin dhe rregjimit te tij, i cili per pushtetin e tij personal eshte i afte te shkelmoje çdo ligj e parim kombetar dhe nderkombetar dhe te perdori çdo mjet per likujdimin fizik te kundershtareve te tij.
Rikujtoj ketu se ne konventat nderkombetare perdorimi i gazit nervor Novichok eshte i barabarte me perdorimin e armeve kimike dhe se ky gaz ruhet vetem ne laboratore supersekrete te ushtrise dhe se perdorimi i tij implikon direkt nivelet me te larta te Kremlinit.
Duke i uruar sherim te plote viktimes, shtoj se ky krim monstruoz deshmon gjithashtu rrezikun e madh qe paraqet per paqen ne bote Cari rus Putin, i cili meriton per kete tentative vrasje te radhes ndeshkimin me sanksionet me te ashpra?, shkruan Berisha.
Kujtojmë se Navalny, nuk u ndje mirë më 20 gusht gjatë fluturimit nga qyteti siberian Tomsk për në Moskë. Avioni bëri ulje emergjente në Omsk dhe Navalny u dërgua me urgjencë në një spital, ku ai kaloi dy ditë para se të dërgohej në Berlin për mjekim.