web counter
LEXO PA REKLAMA!

SHKARKO APP

App Store
Google Play

Injoroi Kukësin para ndeshjes, por u eliminua/ Ja çfarë i bën ekipi bullgar trajnerit

28 Gusht 2020, 08:32, Sport CNA

Slavia u mund 2-1 nga Kukësi në ?Air Albania?, duke u bërë ekipi i parë bullgar që eliminohet këtë sezon nga Kupat e Europës. Mediat bullgare kanë raportuar se Slavia i pati shanset e saj, por u largua duarbosh nga Shqipëria.

Eliminimi nga skuadra e Skënder Gegës ka rezultuar më shumë se i hidhur, pasi direkt pas ndeshjes drejtuesit e klubit kanë vendosur heshtje totale. Ata nuk lanë askënd që të prononcohet për disfatën e pësuar, ndonëse në sallën e konferencave pritej të paktën trajneri.

Me urdhër, edhe ai nuk u lejua që të dalë para mediave. Ecurisë së dobët në startin e kampionatit, ku në tri javë kanë marrë vetëm 1 pikë, i shtohet edhe dështimi në Ligën e Europës. Mediat bullgare kanë lënë të kuptohet se pas eliminimit nga Kukësi, trajneri Zlatomir Zagorçiç rrezikon shumë. Gjithsesi, situata do të qartësohet pasi ekipi të mbërrijë në Bullgari.

Po çfarë deklaronte trajneri serb i Slavias, në momentin që shorti i vuri përballe Kukësit? ?Po i?u tregoj të vërtetën, nuk ia kam idenë se çfarë ekipi është Kukësi. Nga sot do të futemi dhe do të shohim se çfarë përfaqësojnë ata. Shpresojmë se do e fitojmë ndeshjen. Sigurisht nuk është se do të kemi një kundërshtar aq shumë të vështirë?, u shpreh trajneri i Slavias, Zlatomir Zagorcic menjëherë pas mësimit të shortit.





Lajmet e fundit nga