web counter
LEXO PA REKLAMA!

SHKARKO APP

App Store
Google Play

E fundit!

x

Drama në kufi/ Meta këshillon dy qeveritë: Trajtojni shqiptarët me dinjitet

16 Gusht 2020, 11:08, Politikë CNA

Presidenti Ilir Meta i ka bërë thirrje qeverisë shqiptare që të realizojë falas për emigrantët testimin si dhe në vendin ku ata ndodhen dhe po presin në radhë. Sipas Metës, qytetarët shqiptarë s?mund të trajtohen pa atdhe apo pa shtet, si dhe i konsideron sit ë papranueshme aktet e forcës.

Më tej ai apelon që kontaktet me Greqinë të jenë konstante dhe për një zgjidhje të menjëhershme.

“Qytetarët shqiptarë, të cilët prej ditësh ndodhen në pikën e kalimit kufitar të Kakavijës, në kushte tejet të vështira dhe në prag të një krize humanitare, nuk mund të trajtohen si njerëz pa Atdhe dhe pa shtet.

Përsëris thirrjen e fortë drejtuar qeverisë shqiptare për të qëndruar pranë qytetarëve dhe për të marrë të gjitha masat, për informimin me transparencë, realizimin FALAS dhe në vendin ku ndodhen të tamponëve për COVID-19.

Kontaktet me Greqinë të jenë konstante dhe vetëm në funksion të një zgjidhjeje të menjëhershme.

Aktet e forcës janë të papranueshme!

I kërkoj autoriteteve greke, që në respekt të frymës së fqinjësisë së mirë dhe lidhjeve të forta tradicionale mes dy popujve, të bëjnë të pamundurën për zgjidhjen e situatës, imazhet e së cilës turpërojnë të dyja vendet.

ÇDO QYTETAR I REPUBLIKËS SË SHQIPËRISË MERITON TË TRAJTOHET ME DINJITET!”, shkruan Meta.





Lajmet e fundit nga