web counter
LEXO PA REKLAMA!

SHKARKO APP

E fundit!

x

“Çfarë ta bëj atë kanadez”, si presidenti Bartomeu refuzoi talentin Davies

15 Gusht 2020, 17:24, Sport CNA

Bayern Munchen arriti një akord me Vancouver janarin e vitit të kaluar dhe siguroi shërbimet e Alphonso Davies për shumën e 10 milion eurove. 19-vjeçari i talentuar i krahut të majtë, po i mahnit të gjithë me paraqitjet e tij fantastike.

Në fillim aktivizohej në sulm, por Niko Kovac pati intuitën për ta kthyer disa metra pas. Davies po aktivizohet si mbrojtës i majtë, pozicion ku po shkëlqen në të dy fazat, defensive dhe ofensive. Mbrëmjen e kaluar kundër Barcelonës dhuroi një tjetër ndeshje fenomenale.

Kanadezi me origjinë nga Liberia, mund të kishte përfunduar te klubi katalanas, përpara se të transferohej te rekordmenët gjermanë. Diçka të tillë e zbulon Luis Omar Tapia, gazetari i ESPN. ?Hristo Stoickov foli me Josep Maria Bartomeu për Alphonso Davies.

Biseda ndodhi disa muaj përpara se lojtari të kalonte te Bayerni. Bullgari ia sugjeroi, por presidenti i Barcelonës iu përgjigje me këto fjalë: ?Ai është kanadez, kështu që jo, faleminderit??, zbulon Tapia.





Lajmet e fundit nga