web counter
LEXO PA REKLAMA!

SHKARKO APP

App Store
Google Play

“Thuaj që vdiq nga koronavirusi”/ Pipero i përgjigjet qytetarit: Nuk ka shans...

7 Gusht 2020, 16:28, Sociale CNA

Mjeku infeksionist Pëllumb Pipero ka folur për përhapjen e koronavirusit në vend dhe gjendjen në spitale.Pipero u shpreh se ende nuk ka protokolle të përcaktuara për këtë sëmundje.

Po ashtu ai tha se tashmë edhe mjekët e familjes janë në dispozicion të pacientëve, ndërsa sqaroi se ata janë trajtuar nga Urgjenca Kombëtare.

?Nxitimi për të dhënë antibiotik pa pasur klinik është i gabuar. Dua të them që mjeku i familjes është trajnuar jo vetëm nga Urgjenca Kombëtare, por edhe nga ne. Janë bërë disa trajnime dhe di të them se i kemi trajnuar dhe ky është një nga avantazhet që ka mjeku i familjes në përballjen me COVID-19. Nuk duhet të nxitohemi, skema për tu përdorur ndryshon sipas fazave të sëmundjes. Ata që kanë nevojë për trajtim u kemi dhënë skema të duhura. Nëse ka vështirësi në frymëmarrje komunikohet me 127?, u shpreh mjeku infeksionist.

Mjeku Pëllumb Pipero ka komentuar edhe mesazhin e një qytetari, i cili shprehej se në shumë raste vdekjesh, u është thënë se duhet të regjistronin të afërmit e tyre si viktima të Covid-19.  Gazetari Endri Xhafo, i lexoi një mesazh të tillë Piperos dhe i kërkoi koment.

?Nuk besoj që virusi ekziston. Kemi pasur raste vdekjesh dhe na është kërkuar t?i regjistrojmë si me Covid-19. Thuaj që vdiq nga corona na thonin,?- lexoi ndër të tjera Xhafo.

Lidhur me këtë, Pipero u shpreh se nuk ka mundësi të ndodhë, pasi duhet letër konfirmuese nga mjeku infeksionist që e ka ndjekur. Më tej, mjeku rrëfeu një bisedë të tij me një farmaciste 26-vjeçare e prekur nga Covid-19. /CNA.al

 





Lajmet e fundit nga