E fundit!

19:19 Kosova & Bota

I nxehti ekstrem në Greqi/ Qeveria urdhëron pezullim të detyrueshëm të punës për 4 orë në disa sektorë

Greqia ka ndërmarrë disa masa emergjente për mbrojtjen e p...

Komisionit të fitores i duhet një rregullore

5 Gusht 2020, 08:23, Opinione CNA

Ka një situatë kaotike që prej momentit kur u shpall komisioni i përzgjedhjes së kandidaturave për deputet të PD-së.

Që prej atij momenti, pesë anëtaret duken pak të hallakatur.

– Ruli del dhe bën autokritikë për ato që tha në 2017 kundër Lulit, pasi ka fituar de fakto postin që deri dje në PD e mbante Jemini! Nga Artur Ajazi/ Rikthimi i Rulit si justikim për humbjen e madhe

– Besniku del e thotë që shpreson mos turpërohet kësaj rradhe, (pasi thuhet që Luli i ka premtuar një post për djalin në KQZ)!

– Profesoresha kushërirë e Pollos, që nuk e njeh njeri në PD, del e sqaron se si AJO do ftojë njerëz të rinj në PD (!!!)

– Marku pa marrë akoma në dorëzim punën, është i sigurt se Rama i humb zgjedhjet!

– Bujari zihet me njerëzit ne facebook, bile guxon edhe i fton për t?u përballur në fushë me ta! (edhe ajo i duhet Bujarit)!

Pesë anëtarët po dalin kuturu në media secili për hesap të vet, secili me kalin, gozhden dhe patkoin e vet në dorë.

Asnjë fjalë për menyren si do organizojnë punen dhe se si do verifikojnë kandidaturat!

Çfarë rregullash dhe rregullore do zbatojnë këta?

Komisionit i duhet një rregullore me vehte sepse vetë Komisioni është shpikje jashtëstatutore. Kryesia, Këshilli Kombëtar që rregullohen nga statuti nuk bënin dot shqyrtimin dhe votimin e kandidaturave që e kanë funksion me statut, ndaj u shpik Komisioni.

Meqë u shpik komisioni i këtyre të pestëve që t?i shqyrtojë, dikush, (Gazi për shembull që ka ditë që nuk ka shkruar asnjë udhëzim të ri) mund të fillojë të shkruajë ndonjë paragraf për komisionin (!!!) Se kështu si janë lëshuar këta, nuk duken mirë punët.

Duhen ca rregulla se si do funksionojnë këta të pestë që deri tani duken secili në qejf të vet.

Si do bëhet shqyrtimi i dosjeve?

Cilat janë kriteret kualifikuese/skualifikuese?

Si do e ndajnë punën këta?

Do votojnë këta? Nëse nuk do votojnë, si do votojnë dhe nëse do votojnë, si do votojnë?

Pa llogaritur Besnikun, Bujarin dhe Gencin që nuk është se kanë punë tjeter, Marku dhe ajo zonja, si do ja bëjnë punëve të veta këto javë? ?Pëpjekjet e tij janë të kota?/ Nishani nxjerr zbuluar Ramën, çfarë fshihet pas vizitës në Kosovë

Këto dhe të tjera, duhet të na thonë, përpara se të versulen si anëtarët të një komisioni që po shpall fitoren pa nisur ende lufta.

Duhen ca rregulla!

Se ky nuk është Komision kot!

Rregullat duhen se këta edhe duhen mbrojtur nga sulmet nga brenda PD, pasi do të ngjallen xhelozira të mëdha.

Genci për shembull do të sulmohet nga Jemini, i cili historikisht ka mbuluar funksione të ngjashme jashtëstatutore, pranë kryetarit. Dhe tani Genci si duket i ka marrë ekskluzivitetin.

Besniku do sulmohet nga Klementi, sepse duke qënë se në KQZ ka qënë historikisht Klementi, tani posti i premtuar për djalin e Besnikut do duhet t?i jepej djalit të Klementit. Djali i Besnikut mund të kërkojë postin e ministrit të Jashtem në qeverinë Rama-Basha, por kurrësesi KQZ. Besnik Mustafaj tregon bisedat me Bashën/ Rikthimi i të larguarve nga PD, jo për ofiqe por për hapje gare

Bujari mund të rezultojë edhe më i sulmuari nga të gjithë, pasi nga gjithë anëtarët që kanë pasur historikisht këshillat kombëtarë të PD, vetëm Bujari siguroi postin e kryetarit të Këshillit Kombëtar. Bile ai post u shpik për të, ndaj nuk mundet tani të uzurpojë gjithë postet që shpiken në PD!

Marku mund të sulmohet nga Gjekmarkaj. Ka dhjetëra arsye që i bëjnë ata të barabartë! Pse Marku po, Gjekmarku jo? Pa folur pastaj për sulmet që mund t?i vijnë Markut nga Alfredi që së fundmi po eksperimenton poza me gjethe duke u treguar trendy. Ai nuk mund të sfidohet nga një person si Marku pa pikë fantazie, aq sa edhe emër mbiemer i ka njësoj.

Ajo profesoresha pastaj mund të sulmohet nga Zana! Profesoresha të dyja! Të mençura njësoj! Si del një zonjë që nuk e njeh njeri në PD dhe bën ftesa për të hyrë dynjaja në PD, dhe Zanën që ka gjithë jetën në PD, as që nuk kanë në plan të ftojnë në PD!

Ndaj duhet ajo rregullorja e Gazit. Që këta të kenë se si të mbrohen dhe të punojnë të qetë./ CNA.al