web counter
LEXO PA REKLAMA!

SHKARKO APP

App Store
Google Play

Goditja ekonomike pas pandemisë/ Guvernatori Sejko jep alarmin: Pritet rritje e papunësisë dhe borxhit

5 Gusht 2020, 15:06, Ekonomi CNA

Guvernatori i Bankës së Shqipërisë, Gent Sejko, në një konferencë për mediat pas mbledhjes së Këshillit Mbikqyrës ka dhënë alarmin duke thënë se ekonomia e Shqipërisë ka pësuar një tkurrje prej 2.5%, gjatë këtyre muajve të pandemisë.

Ai tha se kjo pritet të shoqërohet me ulje të punësimit dhe rritje të papunësisë, si dhe rritje të borxhit përgjatë këtij viti.

Për këtë arsye, Sejko u shpreh se Këshilli Mbikëqyrës ka vendosur të lërë të pandryshuar normën e interesit, përkatësisht në vlerën 0.5%.

?Pandemia ka sjellë një goditje të rëndë për ekonominë shqiptare. Aktiviteti ekonomik ka pësuar një ngadalësim të fortë. Ekonomia u kontraktua 2.5% në 3-mujorin e parë. Kjo pritet të shoqërohet me ulje të punësimit dhe rritje të papunësisë, si dhe rritje të borxhit gjatë vitit 2020. Kjo situatë ka sjellë vështirësi financiare për shumë biznese e familje shqiptare. Aktiviteti ekonomik shënoi pikun e ngadalësimit në 3-mujorin e dytë të vitit, ndërsa pritet që rritje të shënojë vetëm në vitin e ardhshëm. Ky skenar është i kushtëzuar nga ecuria e mëtejshme e pandemisë, nga ndikimi i pandemisë në sjelljen e ardhshme të biznesit dhe konsumatorit. Këshilli Mbikëqyrës ka vendosur të lërë të pandryshuar normën bazë të interesit, në vlerën 0.5%?, tha Sejko./CNA.al

 





Lajmet e fundit nga