web counter
LEXO PA REKLAMA!

SHKARKO APP

App Store
Google Play

Rusia sfidon botën/ E kemi gati vaksinën në 10 gusht

29 Korrik 2020, 14:10, Kosova & Bota CNA

Rusia po synon të bëhet vendi i parë në botë që miraton përdorimin e një vaksine kundër Covid-19 në më pak se dy javë, megjithë shqetësimet në lidhje me sigurinë dhe efektivitetin e saj.

Lajmin e bën të ditur CNN, i cili citon një zyrtarin rus të Shëndetësisë Kirill Dimitriev, që thotë se po punojnë për miratimin e vaksinës, që është krijuar nga Instituti Gameleya me seli në Moskë. Sipas Kirill Vaksina do të jetë gati në 10 gusht, madje edhe më herët. Të parët që do ta marrin vaksinën janë punonjësit e shëndetësisë, më pas publiku i gjërë.

?Është një moment i ngjashëm me Sputnikun. Amerikanët u befasuan kur dëgjuan sinjalin e Sputnikut. Njëlloj do të ndodhë edhe me vaksinën. Rusia do të ketë arritur e para ta bëjë?, tha Kirill Dimitriev, kreu i Fondit të Shëndetësisë në Rusi, që ka financuar kërkimet për vaksinë në Rusi, duke iu referuar daljes në hapësirë të satelitit të parë në kohën e Bashkimit Sovjetik në vitin 1957.

Por Rusia nuk ka publikuar asnjë të dhënë shkencore për vaksinën dhe pretendimet e autoriteteve ruse për efektivitetin dhe sigurinë e saj mbeten shqetësuese, aq më tepër që edhe OBSH në daljet zyrtare nuk e ka cilësuar këtë vaksinë në stadet përfundimtare. Kritikët në vend thonë se ky nxitim vjen nga dëshira e Kremlinit për të shfaqur vendin si një vend lider në shkencë. Gjithashtu ka shqetësimin se testimet e vaksinës te njerëzit nuk janë bërë të plota./CNA.al





Lajmet e fundit nga