web counter
LEXO PA REKLAMA!

SHKARKO APP

E fundit!

x

Radhë, pritje dhe lodhje pas plazhit/ Kthimi në Kosovë streson pushuesit

26 Korrik 2020, 19:00, Aktualitet CNA

Edhe në këtë javë të fundit të korrikut fluksi i vizitorëve nga Kosova të cilët vijnë për të pushuar në bregdetin shqiptar, është i madh.  Orët e para të mëngjesit e kanë gjetur Rrugën e Kombit në një trafik të rënduar. Shkak për këtë janë bërë turistët shqiptarë të Kosovës të cilët si çdo vit zgjedhin Shqipërinë për ta vizituar.

Situata me trafikun është më problematike në aksin Morinë- Kukës, duke pasur dhe bllokime të herëpashershme të qarkullimit rrugor.

Por, përpos rrugës së parë edhe kthimi është sfidë më vete.

Në pikën kufitare të Morinës janë krijuar radhë të gjata edhe gjatë pasdites.

Fluksi i automjeteve drejt Kosovës është tejet i lartë, edhe pse policia kufitare e Kosovës ka punuar në procedurë të përshpejtuar fluksi dhe radhët e gjata shkojnë deri në thellësi të territorit tonë.

Ndryshe nga pala shqiptare në hyrje të Kosovës, kryhen matjet e temperaturës, gjë që shkakton edhe vonesë për kalimin e kufirit. /CNA.al





Lajmet e fundit nga