web counter
LEXO PA REKLAMA!

SHKARKO APP

App Store
Google Play

Këshilla shtesë e Bashës për epideminë: Të vaksinohen të gjithë për gripin

26 Korrik 2020, 17:03, Aktualitet CNA

Kreu i PD-së Lulzim Basha ka kërkuar nga qeveria që në vjeshtë të sigurojnë vaksinën e gripit falas për të gjithë popullsinë, në mënyrë që mbrojë shqiptarët dhe ndihmojë sistemin shëndetësor që të përballet më mirë me pandeminë.

Basha i ka drejtuar thirrje qytetarëve që të tregojnë përgjegjshmëri dhe të mbajnë maskën e ruajnë distancimin social, këshilla këto të zakonshme që apelohen nga mjekët dhe përfaqësues të qeverisë.

“Me një situatë pandemie që fatkeqësisht rëndohet përditë, ne duhet të marrim të gjitha masat e duhura për të lehtësuar sa më shumë sistemin shëndetësor dhe mjekët dhe infermierët që janë përditë në vijën e parë të betejës me virusin.

Përveç zbatimit të masave të distancimit social, mbajtjes së maskës dhe higjenës si dhe rritjes së domosdoshme të kapaciteteve të testimit, qeveria duhet të marrë urgjentisht masat dhe të sigurojë vaksinën e gripit falas për të gjithë popullsinë në vjeshtë. Kjo do të mbronte shqiptarët nga influenca e stinës dhe komplikacionet e saj, dhe do të ndihmonte sistemin tonë shëndetësor për ta patur atë të gjithin në dispozicion dhe të përgatitur për ta përballuar pandeminë COVID-19.

Secili prej nesh duhet të bëjë detyrën për të mbrojtur veten dhe familjen e tij. Ndërsa qeveria duhet të bëjë gjithçka ka në dorë për të mbrojtur njerëzit në këto kohë të vështira! Vaksinimi kundër gripit, falas për të gjithë këtë vjeshtë, është një masë shumë e rëndësishme për shëndetin e shqiptarëve”!, shkruan Basha në FB. /CNA.al





Lajmet e fundit nga